Basty bet
Jaŋalyqtar
Tälıpterge tamaq daiyndaudan bas tartqan äieldı sabap öltırgen

Tälıpterge tamaq daiyndaudan bas tartqan äieldı sabap öltırgen

19.08.2021

3067

https://adyrna.kz/content/uploads/2021/08/0642ea50-34a9-41b3-84ab-dae91c47d82f.jpeg

"Taliban" qozǧalysynyŋ ökılderı (Qazaqstan aumaǧynda tyiym salynǧan) Auǧanstannyŋ soltüstıgındegı Fariab provinsiiasynda 15 sodyrdy tamaqtandyrudan bas tartqany üşın bır äieldı sabap öltırdı, dep habarlaidy “Adyrna” ūlttyq portaly Tengrinews.kz saityna sılteme jasap. 

Oqiǧa 12 şıldede bolǧan. Bıraq būl turaly qazır ǧana belgılı boldy. Äieldıŋ qyzy bolǧan jaǧdaidy jurnalisterge aityp bergen. Telearna qyzdy Manija, al anasyn Nadjiia dep atap körsetken. Bıraq būl esımder qauıpsızdık maqsatynda oidan şyǧarylǧan.

Sodyrlar Nadjiiaǧa tamaq jasaudy talap etıp üş ret kelgen. Äiel kedei jäne olardy tamaqtandyruǧa qarajaty bolmaǧandyqtan bas tartqan.

Törtınşı künı sodyrlar ony taǧy bas tartqany üşın ūryp-soqqan.
"Anam kedei ekenımızdı aityp, tamaq jasai almaimyz degende tälıper ony ūra bastady. Anam esınen tanyp qaldy, olar ony qarudyŋ sabymen ūrdy", - dedı Manija.
Manija tälıpterge anasyn ūrudy toqtatuyn sūraǧanda, olar körşı bölmege granata laqtyryp, qaşyp ketken. Tört balanyŋ anasy soqqydan oqiǧa ornynda qaza bolǧan.

Telearna "Taliban" qozǧalysy äielder qūqyǧyn şektei bastaǧanyn aitady. Olarǧa er adamsyz medisina mekemelerıne baruǧa tyiym salynǧan.

Ūqsas jaŋalyqtar