Úshinshi megapolıste ınternettiń qoljetimdiligin arttyrý baǵytyndaǵy jumys qarqyn alǵan. Onyń ishinde mobıldi jáne optıkalyq-talshyqty ınternettiń taralý aıasyn keńeıtý jumystary da bar. Bul týraly qalalyq ákimdiktiń aqparattyq-kommýnıkaııa ortalyǵynda ótken baspasóz brıfınginde qalalyq ıfrlandyrý basqarmasynyń basshysy Áset Ábdirahanov málimdedi.
Qala aýmaǵyndaǵy ınternet sapasy tómen 30 turǵyn alap anyqtalyp, optıka tartý jumystary júrgizilýde. Osy rette Nurtas, Tassaı, Tasken, Pahtakor shaǵyn aýdandaryndaǵy 4 kóshege kabel júrgizilip, ınternetke qosyldy. Al Aqjaıyq jáne Dostyq shaǵyn aýdanyna talshyqty optıka jelisi tolyq 100% júrgizildi. Sonymen qatar, jeke ınvestor «Fishnet» JShS-men kelissózder júrgizý nátıjesinde ınvestor esebinen 2021–2023 jyldary shalǵaı ornalasqan eldi mekenderdi sapaly ınternetpen qamtýǵa qarjy qarastyrylyp otyr. Nátıjesinde, 80 000 úı sapaly ınternet jelisimen qamtylady,– dedi basqarma basshysy.
Áset Ábdirahanov – Shymkent qalalyq ıfrlandyrý basqarmasynyń basshysy
Óńiraralyq baılanys ınspekııasy óz quzyreti sheńberinde baılanys salasyndaǵy memlekettik baqylaýdy júzege asyrady. Bul rette zańnamany buzǵany úshin baılanys operatorlaryn jaýapkershilikke tartady. Inspekııa qyzmetiniń mańyzdy baǵyttarynyń biri – baılanys qyzmetkerleriniń sapasyn baqylaý, – deıdi Erjan Dáýletuly.
ErjanToqtaǵulov - QR ıfrlyq damý, ınnovaııalar jáne aeroǵarysh ónerkásibi mınıstrligi telekommýnıkaııalar komıtetiniń Shymkent qalasy boıynsha óńiraralyq baılanys ınspekııasynyń basshysy
Aıta keteıik, basqarma óńiraralyq baılanys ınspekııasymen birlesip qala aýmaǵyndaǵy 45 eldi meken men shaǵyn aýdandarǵa arnaıy qurylǵylarmen baılanys sapasyn tekserý jumystaryn júrgizgen. Nátıjesinde, Abaı aýdanyna qarasty 3-móltekaýdan, Agroferma Qarasý, Ál-Farabı aýdanyna qarasty Qazybek bı 15 jáne Qarataý aýdanynan qarasty Nurtas móltek aýdany Kulager kóshesi 255 mekenjaılarynda ınternet sapasy talapqa saı bolmaýyna baılanysty aıyppul salynǵan.
