Oryngül Arystan – elımızdıŋ atyn halyqaralyq deŋgeige şyǧaryp, daryny men talantyn bırneşe märte däleldegen zerek oquşy. Älem chempiony qazırgı taŋda nemen ainalysyp jür? Bolaşaqta kım boludy armandaidy? Osy jäne özge de sūraqtardyŋ jauabyn alu maqsatynda erekşe qabıletı bar jaspen tıldesıp, sūqbat qūrdyq.
«Kalkuliator qyz» atanyp ketken aru 2006 jyly Aqtau qalasynda düniege esıgın aşqan. 11 jasynda Malaiziia elınde ötken mentaldy arifmetika olimpiadasynda I oryndy qanjyǧasyna bailady. Araǧa bır jyl salyp, düniejüzınıŋ 150 bılımdı jas matematigımen bırge 30 myŋ eseptı 26 minut 26 sekundta şyǧaryp, älemdık rekord ornatty.
«Bastauyşta oqyp jürgenımde matematika pänı bıraz qiyndyqtardy tudyrdy. Ülgerımımdı jaqsartyp, bılımımdı arttyru üşın anam menı 3-synypta mentaldy arifmetika kurstaryna qatystyrdy. Bastapqy kezden-aq tez üirenıp kettım. Ūstazym jyldam esepteuge deiın beiımımdı baiqap, türlı jarystarǧa qatystyra bastady. Oblystyq, respublikalyq, halyqaralyq dodalarda baǧymdy synap, chempion atandym», - dep äŋgımesın bastady keiıpkerımız.Oryngüldıŋ aituynşa, mentaldy arifmetika az ǧana uaqyttyŋ ışınde ömırıne eleulı özgerıster äkelgen.
«Būryn matematika pänı mūǧalımınen eskertulerdı jiı alsam, bügınde esep şyǧaruda asa qinalmaimyn. Būl salanyŋ arqasynda kökjiegımdı keŋeitıp, bıraz elderdı araladym. Sondai-aq keremet jandarmen tanystym», - deidı ol.Qazırgı taŋda jas daryn IT mektep-liseiınıŋ 9 synyp oquşysy. Sūqbat barysynda alǧyr aru jaŋa qyzyǧuşylyǧy bar ekenın de jasyrmady.
– 6-synypta №17 mektepten IT liseiıne auystym. Oquym qiyndai bastaǧan soŋ, sabaǧyma dūrys zeiın qoia bastadym. Aralasatyn ortam da özgerıp, jaŋa dostar taptym. Bälkım, sodan bolar, qyzyǧuşylyqtarym auysa bastady. Bügınde bimen ainalysamyn, şetel ädebietın oqimyn. Süiıktı kıtabym – Härri Potter. Keide suret salamyn.Bır qyzyǧy, Oryngül matematik emes, därıger boludy armandaidy.
– Bolaşaqta bılımdı de bılıktı därıger bolǧym keledı. Sebebı, medisinalyq mäseleler köbeiıp kettı. Olardyŋ şeşımın tauyp, qoǧamǧa paidamdy tigızgım keledı. Medisina – öte qyzyq sala. Aldaǧy uaqytta bılımımdı şeteldık joǧary oqu ornynda jalǧastyrudy közdep otyrmyn»,– dep sözın qorytyndylady aru.
«Adyrna» ūlttyq portaly
