Dissident, aqyn Aron Atabek bostandyqqa şyqty. Būl turaly "Azattyq radiosyna" sılteme jasap, "Adyrna" ūlttyq portaly habarlaidy.
1 qazanda Pavlodar qalalyq №2 soty Aron Atabektıŋ jazasyn densaulyǧyna bailanysty jeŋıldetu jönınde ötınıştı qarap oryndaǧan. Sot aqparatyna qaraǧanda, därıgerler Aron Atabektıŋ dauasy joq syrqatqa (omyrtqaaralyq diskısınıŋ zaqymdaluy) ūşyraǧanyn anyqtaǧan.
"Zaŋda baiandalǧan män-jailar men prosesske qatysuşylardyŋ pıkırın eskerıp, sottalǧan tūlǧaǧa bostandyǧyn şekteu jazasy 1 jyl merzımıne probasiialyq baqylau ornatu men mındetterdı jükteuıne auystyryldy. Sot şeşımımen kelıspegen jaǧdaida sottalǧan tūlǧa jäne prosestıŋ basqa qatysuşylary apelliasiialyq sot satysyna şaǧym tüsıruıne qūqyǧy bar" delıngen sot habarlamasynda.
"Adyrna" ūlttyq portaly
