Shymkent qalasynyń ákimi Murat Áıtenovtiń tóraǵalyǵymen ótken jıynda qalalyq bilim basqarmasynyń birinshi jartyjyldyqta atqarǵan jumystarynyń esebi tyńdalyp, jańa oqý jylyna daıyndyq máselesi pysyqtaldy.Qalanyń aldaǵy bes jylǵa arnalǵan damý josparynda adamı kapıtaldy damytý basymdyǵy aıqyndalǵan. Onyń aıasynda bilim salasyn ilgeriletýdiń 5 negizgi baǵyty belgilengen.
Pedagog kadrlardyń áleýetin damytý sheńberinde mektepke deıingi uıymdardan 190 pedagog qaıta daıarlaý kýrstarynan ótkizise, mektepterdegi 2657 pedagog kadrlar Ulttyq biliktilik testileýine qatysqan. Pedagog qyzmetkerler bekitilgen jospar boıynsha biliktilikti arttyrý kýrstarymen qamtylýda.Respýblıkalyq «Úzdik pedagog» baıqaýyna 21 pedegog usynylsa, «Kúndelik kz» jobasy boıynsha Shymkent qalasy eki márte «Altyn túıme» ıegeri atandy. Kadrlyq rezervten bilim berý mekemeleriniń basshylyǵyna 28 úmitker testileýden ótkizilip, shekti bal jınaǵan. Olardyń ishinen 6 úmitker mektep dırektory laýazymdaryna qabyldanǵan.Qalada 30 kolledj qyzmet atqaryp, tehnıkalyq jáne kásiptik bilim berýdi iske asyrady. Onyń ishinde 11 kolledjde ınklıýzıvti bilim berýge jaǵdaı jasalǵan. Kolledj stýdentterine óndirispen ushtastyrylǵan dýaldy oqytý ádisiniń qoldanylý múmkindigin arttyrýda 96 áleýmettik seriktestiktermen kelisim jasalyp, osy júıemen bilim alǵan stýdenttiń bilim alǵan merzimi eńbek ótili retinde esepteledi.
«Jas maman» jobasy aıasynda byltyr eki kolledj qaıta jabdyqtaýdan ótkizilse, bıyl mundaı jumystar taǵy bes kolledjde atqarylmaq. Qala ákimi bilim salasynyń kórsetkishterin taldap, qalada pedagog kadrlardyń biliktiligin kóterýge barlyq múmkindikter qarastyrylý kerektigin nazarǵa aldy. Búginniń ózinde keıbir oqý pánderi boıynsha bilikti ustazdardyń jetispeýshiligi oryn alyp jatqandyǵyna toqtalyp, qajetti kadrlardy daıarlaýda joǵary oqý oryndarymen tyǵyz baılanysta jumys júrgizýdi tapsyrdy. Bilim berý uıymdarynyń kadrlyq quramdaryn, muǵalimderdiń jumys júktelimderin taldaýdan ótkizip, kadr jetispeýshiligi oryn alyp otyrǵan mektepterdiń máselesi birinshi qyrkúıekke deıingi merzimde ońtaıly sheshilýi tıis degen talap qoıdy.
Tehnıkalyq jáne kásiptik oqý oryndarynyń ahýalyna toqtalǵan qala basshysy, qurylys jumystarynyń kólemi sońǵy 3 jylda úsh ese artqanyn, aldaǵy jyldary bul kórsetkishtiń áli de eselene túsetinin atap ótti. Qurylysqa qajetti mamandar tapshylyǵy aıqyn sezilip otyrǵandyǵyn aıta otyryp, kolledjder bazasynda qurylysshy mamandyqtaryna oqytatyn qysqamerzimdi kýrstar uıymdastyrý múmkindikterin qarastyrýdy tapsyrdy. Bul baǵytta salalyq basqarmalarǵa qurylys jumystaryna tartylǵan merdiger uıymdardan qajetti mamandyqtar tizbesin jasaqtaý mindetteri tapsyryldy.Qala basshysynyń aıtýynsha, jıyn barysynda júktelgen talaptar kadrlyq áleýetimizdi tıimdi paıdalanýǵa múmkindik berip, jumyssyzdyq máselesin ońtaıly sheshýge yqpalyn tıgizedi.
AVT. PERIZAT
