Memleket basshysynyń tapsyrmasyna oraı jergilikti atqarýshy organdar óńirdi aýyz sýmen qamtamasyz etý máselesimen aınalysýda. Jaqynda oblys ákimdigine birqatar kásipker habarlasyp, jeke ınvestıııa esebinen sý tushytý zaýytyn salýǵa usynys jasady, dep habarlaıdy Mańǵystaý oblysy ákiminiń baspasóz qyzmeti.
Esterińizge sala ketsek, oblys ákimi Nurlan Noǵaev 13 qyrkúıekte ótken apparattyq jıynda sý tushytatyn zaýyt qurylysyna qarjy salýǵa daıyn ınvestordyń tabylǵanyn aıtyp, Aqtaý qalasynyń ákimine jobany jedeldetýdi tapsyrǵan bolatyn.
50 ga jerde syıymdylyǵy 40 myń tekshe metr sý basseınderi men sýdy tushytatyn qondyrǵylar boı kóteredi. Investıııalyq jobanyń quny 4 mlrd teńge.
- Jýyrda Prezıdenttiń Mańǵystaý oblysyna kelgen sapary barysynda sý máselesin sheshý týraly tapsyrma berilgen bolatyn. Halyqty úzdiksiz aýyz sýmen qamtýǵa baǵyttalǵan jobalardy jedeldetýge kiristik. Sý tushytatyn zaýyt salýǵa kelisken ınvestormen qajetti kelisimder jasaldy,-dedi Aqtaý qalasynyń ákimi Nurdáýlet Qılybaı.
Jańa zaýyttyń josparlanǵan qýaty 20 myń tekshe metrden astam. 2022 jyly iske qosylatyn jobanyń alǵashqy kezeńinde táýligine 5 myń tekshe metr sý óndirilmek.
- Tehnıkalarymyz jetkilikti. Kanal qazý jumystaryn bastap kettik. Qajetti qurylǵylarǵa tapsyrys berip jatyrmyz. Bir bóligi AQSh, Evropa elderinen, endi bir bóligi Irannan jetkiziledi,-dedi joba quryltaıshysy Esman Jumabaev.
"Adyrna" ulttyq portaly
