Medisina qyzmetkerlerı künı qarsaŋynda Aqtaudaǧy Asiakoz International Hospital klinikasy taǧy bır maŋyzdy jetıstıkke qol jetkızdı. Klinikanyŋ bas därıgerı, LOR-hirurg, eresekter men balalar otorinolaringolog därıgerı, surdolog Beibıtova Aiagöz Şoqanqyzy «Jyl jetıstıgı - 2026» nominasiiasymen marapattaldy.
Būl marapat bır därıgerdıŋ ǧana emes, qysqa uaqyt ışınde öŋırdegı mamandandyrylǧan medisinanyŋ jaŋa deŋgeiın qalyptastyrǧan Asiakoz International Hospital ūjymynyŋ käsıbi jūmysyna berılgen joǧary baǧa deuge bolady.
Klinika jūmysyn bastaǧanyna nebärı toǧyz ai ötse de, osy uaqyt ışınde Maŋǧystau oblysyndaǧy jetekşı köz jäne LOR ortalyqtarynyŋ bırıne ainaldy. Būǧan deiın tūrǧyndar basqa qalalar men şetelge baryp jasatuǧa mäjbür bolǧan köptegen joǧary tehnologiialyq köz jäne LOR operasiialary bügınde Aqtauda sättı oryndaluda.
Bügınde klinikada 1500-den astam operasiia jasaldy. Būl körsetkış tūrǧyndardyŋ medisinalyq ūiymǧa degen senımı men körsetıletın qyzmet sapasynyŋ aiqyn dälelı.
Asiakoz International Hospital-dyŋ basty erekşelıgı - halyqaralyq täjıribenı öŋırge äkeluı. Mūnda Türkiianyŋ oftalmologiia salasyndaǧy jetekşı hirurgterı men Qazaqstannyŋ täjıribelı LOR mamandary qyzmet atqarady. Zamanaui medisinalyq tehnologiialar men halyqaralyq emdeu standarttarynyŋ engızıluı Maŋǧystau tūrǧyndaryna būryn qoljetımsız bolǧan kürdelı operasiialardy öz öŋırınde jasauǧa mümkındık berdı.
Klinika aşylǧan künnen bastap közdıŋ kataraktasy, glaukomasy, torqabyq patologiialary boiynşa kürdelı oftalmologiialyq operasiialarmen qatar, estu qabıletın qalpyna keltıruge, mūryn quysy men qūlaq aurularyn emdeuge baǧyttalǧan joǧary tehnologiialyq LOR operasiialary tūraqty türde oryndalyp keledı.
Medisina qyzmetkerlerı künı qarsaŋyndaǧy būl marapat Asiakoz International Hospital ūjymynyŋ käsıbi deŋgeiı men öŋır tūrǧyndaryna körsetıp otyrǧan sapaly medisinalyq qyzmetınıŋ taǧy bır dälelı boldy.
Klinika aldaǧy uaqytta da halyqaralyq täjıribenı engızıp, medisinalyq kömektıŋ sapasyn arttyru jäne Maŋǧystau tūrǧyndaryna älemdık deŋgeidegı emdı tuǧan ölkesınde qoljetımdı etu baǧytyndaǧy jūmysyn jalǧastyrmaq.
