Qoǧamdyq densaulyq saqtau ūlttyq ortalyǧynyŋ «Sanitariialyq-epidemiologiialyq saraptama jäne monitoring ǧylymi-praktikalyq ortalyǧy» filialy direktorynyŋ orynbasary Manar Smaǧūl jasöspırımder men düktı äielderdı COVID-19-ǧa qarsy vaksinalau turaly pıkır bıldırdı, dep habarlaidy «Adyrna» tılşısı QazAqparatqa sılteme jasap.
«Damyǧan elderdıŋ bärı jasöspırımder men jüktı äielderge osy vaksinany salyp jatyr. AQŞ pen Ūlybritaniiada atalǧan toptardy vaksinalau täjıribesı bar. Iаǧni, Pfizer vaksinasynyŋ tiımdılıgın bız ıs jüzınde körıp otyrmyz. Bırınşıden, ölım-jıtım jaǧdailary azaiǧan. Jalpy syrqattanu körsetkışı de kemıgen. Būl vaksina 12 jastan asqan balalardyŋ da, jüktı äielderdıŋ densaulyǧyna qauıp töndırmeidı. Düniejüzılık densaulyq saqtau ūiymynyŋ özı ūsynyp otyr», - degen maman qazaqstanda eresek adamdarǧa bügınge deiın salynǧan vaksinalardyŋ tiımdı bolǧanyna toqtaldy.«Reseilık, qazaqstandyq, qytailyq vaksinalardyŋ balalar men jüktı äielder üşın qanşalyqty tiımdı ekenı belgısız bolǧanymen, qazır qoldanu maqsatyna säikestıgın körsetıp otyr. Būl jerde mynany tüsınu kerek. Bızde būǧan deiın eresekterge salynǧan vaksinalardy balalar men jasöspırımderge saluǧa müldem tyiym salynǧan deuge bolmaidy. Öitkenı olar atalmyş ekı topqa synaq retınde egılgen joq.
«Sputnik V» qazır osy mäsele boiynşa synaqtan ötıp jatyr. QazVac-ta būl satydan ötedı. Naqty jasöspırımder men jüktı äielderdıŋ arasynda synaqtan ötkennen keiın rūqsat mäselesı şeşıledı. Menıŋ oiymşa oǧan säl uaqyt kerek. Tiıstı zertteuler jaqsy nätije berse, olardy da atalmyş ekı topqa qoldanuymyz mümkın. Al äzırge Pfizer vaksinasy ǧana osy ekı topqa ūsynylǧan. Būǧan qarap bızdegı basqa vakinalar COVID-19 ındetıne Pfizer vaksinasyndai tiımdı emes degen oi tuyndamauy kerek. Bız qoldanyp jürgen vaksinalardyŋ bärı virusqa tiımdı ekenın uaqyt körsettı», - dedı Manar Smaǧūl.
«Adyrna» ūlttyq portaly
