Ońtústik Qazaqstan oblysynda Qoja Ahmet Iasaýıdiń 100-ge jýyq esh jerde jarııalanbaǵan hıkmetteri tabyldy, dep habarlaıdy QazAqparat.
HVI ǵasyrǵa tán 475 bettik qoljazba saıramdyq belgili tarıhshy, Turan ǵylym akademııasynyń akademıgi Mırahmad Mırhaldarulynyń qoljazbalar qorynda saqtalypty. Qundy qoljazba qoǵamdyq sanany jańǵyrtý jónindegi Ońtústik Qazaqstan oblysynyń jobalyq keńsesi «Rýhanı qazyna» kishi baǵdarlamasy aıasynda tabylyp otyr.
Atalǵan keńse kóne tarıhtan syr shertetin ortaǵasyrlyq qundy jazba muralarymyzdy zertteýge baǵyttalǵan «Babalar murasy izimen» jobasyn qolǵa alǵan bolatyn. Joba aıasynda rýhanı qundylyqtardy izdeý jumystary júrgizilip, nátıjesinde túrli kezeńderde ómir súrgen aqyn-jazýshylar men olarǵa tıesili birneshe qoljazba muralar tabyldy. Sol qundy jádigerlerdiń biregeıi sanalatyn Iasaýıdiń hıkmetteri buryn qazaq tilinde jarııalanbaǵany dáleldenip otyr.
Oblystyq «Tarıhı-mádenı murany qorǵaý, qalpyna keltirý jáne paıdalaný jónindegi ortalyqtyń» bólim meńgerýshisi, «Rýhanı qazyna» kishi baǵdarlamasynyń ákimshisi Hamıdýlla Tadjıevtiń sózine qaraǵanda, jańadan tabylǵan qoljazba shamamen HÚI ǵasyrǵa tıesili jáne buryn baspa betin kórgen hıkmetterden aıtarlyqtaı aıyrmashylyqtary bar deýge bolady. Iasaýıdiń jańadan tabylǵan hıkmetterin qazaq tiline aýdarý, baspaǵa daıyndaý - Iasaýıtaný salasyndaǵy ózekti máselelerdiń biri bolyp otyr.
Búginde qundy jazbalardyń transkrıpııasy men qazaq-túrik tilderine aýdarý jumysy qolǵa alynyp, atalǵan sharaǵa belgili shyǵystanýshy ǵalym, f.ǵ.k., doent Tóráli Qydyr jáne túrkııalyq áriptesi Nadırhan Hasan úles qosýda.
Jalpy ǵalymdar Iasaýı týraly biraz zerttelip, kóptegen eńbekter jazylǵanymen, áli kúnge deıin jaryqqa shyqpaǵan dúnıeleri jeterlik ekenin aıtady. Aqyn qalamyna tıesili «Dıýanı hıkmettiń» túpnusqasynyń tabylmaýy, odan basqa qandaı týyndylar jazǵany, sılsılásiniń (altyn tizbeginiń) qashan úzilgeni sekildi máseleler óz sheshimin tappaı keledi. Álem kitaphanalarynan tabylyp, búginge deıin jaryq kórip jatqan Iasaýı hıkmetteriniń basym bóligi - HIH ǵasyrdyń sońy men HH ǵasyrdyń basynda Qazan shaharynda basylǵan nusqalardan daıyndalǵan.
ult.kz
