Ukraina prezidentı Vladimir Zelenskii ICTV-ge bergen ekskliuzivtı sūhbatynda alǧaş ret "Ofşor 95" zertteu filmıne tüsınıkteme berdı, onda 2012 jyldan bastap Zelenskiidıŋ offşorlyq firmalary men onyŋ "Kvartal 95" komandalary oligarh İgor Kolomoiskiimen bailanysty kompaniialardan 40 million dollar alǧan dep aitylǧan. Būl turaly "Adyrna" ūlttyq portaly habarlaidy.
- Şynymdy aitsam, siujet onşa emes. Men käsıbi maman retınde aitamyn. Nelıkten? Bırınşıden, jaŋa eşteŋe joq, būl men üşın jäi ǧana dejaviu siiaqty boldy. 2019 jyly men Poroşenkonyŋ arnalarynda däl osyndai filmdı kördım, ol maǧan qarsy eşqandai kır joq ekenın tüsıngendıkten körsetıldı, - dedı Ukraina prezidentı.Sonymen qatar Zelenskii mūndai zertteulerdı eskı äŋgıme dep atady.
- Men mūnyŋ bärın estıdım, bärın kördım. Men özıme qatysty jaŋa närse körmegenıme quanyştymyn. Būl 2019 jyldan berı menıŋ Ukraina prezidentı retınde Poroşenkonyŋ maǧan qarsy eşteŋe tappaǧanyn körsetedı. Būl quantady», - dedı memleket basşysy.Ol ofşorlyq kompaniiany qoldanǧanyn joqqa şyǧarasyz ba? - degen sūraqqa ärqaşan öz qyzmetın aşyq, jariialy jürgızetının mälımdedı. "Men jasaǧannyŋ bärın adamdar bıledı. Būl televizisiia, filmder, teleşoular (tanymal jäne tanymal emes: ärkımnıŋ talǧamy ärtürlı). Iаnukovich kezınde ärkım öz biznesın qūrdy, äsırese teledidar men būqaralyq aqparat qūraldaryna qatysty. Barlyq arnalardyŋ şetelde kompaniialary boldy. Nelıkten? Saiasat saǧan äser etpeuı üşın solai ıstelındı. "Kvartal 95" te sonyŋ qatarynda. Barlyǧy qysym jasap, äser etkısı keledı", - dedı Zelenskii.
"Adyrna" ūlttyq portaly
