Qazaq handyǧynyŋ qūrylu tarihyn Kerei, Jänıbek handar men Äbılhaiyr hannyŋ arasyndaǧy arazdyqpen şekteuge bolmaidy. QR Prezident äkımşılıgı basşysynyŋ bırınşı orynbasary Däuren Abaev Atyrauda ötıp jatqan "Ūlyq ūlys — Altyn Orda" atty halyqaralyq konferensiiada osyndai pıkır bıldırdı, dep habarlaidy "Adyrna" ūlttyq portaly "Egemen.kz-"ke sılteme jasap.
"Altyn Orda — tamyry tereŋ tarihymyzdyŋ bır paraǧy ǧana emes, būl – qazaq ūlty men memlekettılıgınıŋ altyn besıgı. Bız san türlı ūlystar men ru-taipalardan qūralǧan Ūlyq ūlystyŋ qazanynda qainap, jeke ūlt bolyp qalyptastyq, derbes handyq qūrdyq. Būǧan tarihpen äsıre maqtanu dep emes, genetikter däleldegen derek dep qaraǧan jön. Oǧan qosa Joşy Ūlysy – dala memlekettılıgınıŋ arhetipı, bastau būlaǧy. 1465 jyly Kerei men Jänıbek handar negızın qalaǧan Qazaq handyǧynyŋ qūrylu sebebın Äbılqaiyrǧa köŋılı tolmaǧan 200 myŋ halyqtyŋ üdere köşkenı dep qana qarastyruǧa bolmaidy. Qandai küştı bolsa da, ökpe men renış memleket qūrauşy ideia bola almaidy", — dedı Däuren Abaev.Sondai-aq ol alǧaşqy qazaq handarynyŋ tüpkı oiy – Altyn Orda jobasyn qaita jaŋǧyrtyp, Joşy ūlysynyŋ aumaǧyn, onda tūratyn halyqty bırıktıru bolǧanyn eske saldy.
"Jyldar öte būl jobany ūly handarymyzdyŋ bırı – Qasym han jüzege asyrdy. Ol Orynbordan Maurennahrǧa deiıngı alyp aimaqty baǧyndyryp, bilık jürgızdı. Elbasy 2014 jyly Ūlytaudyŋ törınde bergen sūhbatynda Altyn Ordadan Qazaq handyǧyna deiıngı sabaqtastyq jelısın aiqyndap bergenı beker emes. Būl ideiany Şoqan Uälihanovtyŋ qazaqtar özderın altynordalyqtardyŋ ūrpaǧy sanap, qūrmetteidı degen sözı de quattai tüsedı. Iаǧni būl būrynnan belgılı derekter, talas tudyrmaityn aiǧaqtar. San ǧasyr ötse de, Altyn Ordanyŋ mänı men maŋyzynyŋ halqymyzdyŋ sanasynda berık saqtaluy sondyqtan. Äz-Jänıbek, Edıge, Toqtamys, Asan qaiǧy siiaqty Altyn Orda kezındegı qairatkerler turaly jyr-dastandar töl folklorymyzdyŋ ajyramas bölıgı", — dedı Prezident äkımşılıgı basşysynyŋ bırınşı orynbasary.Onyŋ sözınşe, Kenesary Qasymūlyna deiıngı qazaq bileuşılerınıŋ bärı de Joşy hannan taraidy. "Jaŋa elordamyz – Nūr-Sūltan qalasyn Ūly dalada äsem şaharlar salǧan Ūlyq Ūlys bileuşılerı ǧūrpynyŋ jalǧasy deuge bolady", — dedı Däuren Abaev.
"Adyrna" ūlttyq portaly
