Shymkentte bıyl 182 kóshede ortasha jóndeý jumystary júrip, biraz bóligi aıaqtaldy. Sonyń biri – ortalyq kóshe sanalatyn B.Momyshuly kóshesi.
Qalalyq jolaýshylar kóligi jáne avtomobıl joldary basqarmasynyń dereginshe atalǵan kóshe boıynsha ortasha jóndeý jumystary bıyl naýryz aıynda bastalǵan. Qalanyń mańyzdy bóligi sanalatyn bul joldyń qurylys jumystaryn «Omar-Trans» JShS-y atqardy. Tehnıkalyq qadaǵalaýshy «Globýs Injınırıng» JShS-y bolyp bekitildi.
B.Momyshuly kóshesiniń jalpy uzyndyǵy eki jolaqty 2,1 shaqyrymdy quraıdy. Joldyń tómengi túzetý qalyńdyǵy 4 sm bolsa, asfalt betonnyń betki qabaty 5 sm bolady. Búginde qurylys jumystary 100 paıyzǵa bitken. Qazirgi ýaqytta basqarma tarapynan jol belgilerin syzý jumystary da tolyq aıaqtaldy.
«Adyrna» ulttyq portaly
