Burynǵy Densaýlyq saqtaý mınıstri Eljan Birtanovtyń úıqamaq merzimi taǵy 2 aıǵa sozyldy, dep habarlaıdy «Adyrna» tilshisi «Habar 24»-ke silteme jasap.
Búgin sot kúdiktiniń ótinishin elemeı, osyndaı sheshim qabyldady. Birtanov bolsa, óziniń kináli emes ekenin, kinásin dáleldeıtin derekterdiń joq ekendigin alǵa tartty. Sondaı-aq eks-mınıstr elden qashpaıtynyn jáne óziniń esh kinási joqtyǵyn da dáleldeıtinin jetkizdi. Onymen qosa jaýapty organdar bul iste qarastyrylyp jatqan materıaldardy qorǵaýshylarǵa bermeı jatqanyn málimdedi.
Sonyń saldarynan jaýap berýshi tarap taǵylyp jatqan aıyptyń mán-jaıyn zertteı almaı jatqanyn aıtty.
«Bul istiń qylmystyq quramy joq. Meniń qyzmetimdi asyra paıdalanýymdy dáleldeıtin derekter de joq. Men memleketke eshqandaı zalal keltirgen joqpyn. Aqparattyq platoforma kelisimge sáıkes qoldanysqa alyndy. Ol jumys isteıdi. Osy oraıda meni úıde qamaý týraly sheshimdi joıýdy talap etemin. Sondaı-aq bul iske qatysty barlyq materıaldy bizge berýdi suraımyz. Biz de olardy zerttegimiz keledi»,– dedi Birtanov.
«Adyrna» ulttyq portaly
