Köru qabıletı naşar jandarǧa arnalǧan «Än tartu» vokaldyq baiqauy öttı

Täuelsızdıktıŋ 30 jyldyǧyn merekeleu aiasynda köru qabıletı naşar adamdar arasynda ekınşı ret «Än tartu» vokaldyq baiqauy ötkızıldı. Būl şarany L.Tolstoi atyndaǧy oblystyq ämbebap-ǧylymi kıtaphanasy ūiymdastyrdy. Mūndaǧy basty maqsat-oqyrmandardyŋ darynyn aşu, vokaldyq qabıletterın damytu jäne sol arqyly olardyŋ öz küşterıne degen senımdılıktı ūialatu. Biylǧy ūiymdastyrylǧan «Än tartu» baiqauy «Vokal» jäne «Duet» dep atalǧan ekı nominasiia boiynşa öttı. Än saiysyna Qostanai jäne Rudnyi qalalarynan erekşe qajettılıgı bar 9 adam qatysty. Sondai-aq köpşılık jinalǧan baiqauǧa qatysuşylardyŋ jetekşısı retınde E.Ömırzaqov atyndaǧy Qostanai oblystyq filarmoniiasynyŋ käsıbi änşılerı Nūrjan Jaqsan, Jänıbek Jūmahan, Aqniia Jeŋıs şaqyryldy. Sonymen qatar olar būl şarada äulete än şyrqady. Saiys bolǧan jerde jeŋımpaz da bolary anyq. Atalmyş än dodasynda qatysuşylardyŋ önerın baǧalaǧan ädıl qazylardyŋ şeşımımen 1 oryndy Aqniia Jeŋıs jetekşılık etken Danna Sūltangalieva jeŋıp aldy. Al 2 oryndy änşı Jänıbek Jūmahannyŋ jetekşılıgınde än şyrqaǧan Anna Gracheva ielendı. Jüldelı 3 oryn Nūrjan Jaqsannyŋ jetekşılıgınde bolǧan Baigül Jandarbekovaǧa būiyrdy. Osy rette Rudnyi qalasynyŋ «Orbita» demalys ortalyǧynyŋ muzykalyq jetekşısı Natalia Kruglova, atalmyş qaladaǧy №11 orta mektebınıŋ vokal boiynşa oqytuşysy Natalia Danilevskaialardyŋ esımı önerlı jandar Aisūlu Baibolovanyŋ, Sergei Krupininnıŋ jäne Elena Lazarevanyŋ naǧyz tälımgerlerı retınde ataldy.

-Būl baiqauda eŋ bastysy är qatysuşy öz küşıne degen senımsızdıktı, özınıŋ kemşılıkterı men qorqynyştaryn jeŋe bıldı. Olar qoldarynan kelgenşe önerlerın ortaǧa salyp, äsem än şyrqady, – deidı baiqaudy ūiymdastyruşy kıtaphana qyzmetkerlerı.

Kıtaphana ūjymy qatysuşylarǧa syilyq ūsynǧan qalamyzdaǧy «Oazis» gülder dükenıne jäne «Miras» mädeniet üiınıŋ äkımşılıgıne alǧystaryn jetkızdı. Baiqauǧa qatysqandardyŋ barlyǧy laiyqty marapatqa ie boldy.

Aiagöz KÄKIMJANOVA