«Şymkent qalasy käsıpodaqtar ortalyǧy» aumaqtyq käsıpodaqtar bırlestıgınıŋ töraǧasy Bauyrjan Älteev şılde aiynan bastap şymkenttık temırjolşylardyŋ eŋbekaqysy 10 paiyzǧa ösırılgenın mälım ettı, dep habarlaidy QazAqparat tılşısı.
Bauyrjan Älteevtıŋ jergılıktı BAQ ökılderımen ötken brifingıde aitqan mälımetıne süiensek, «Qazaqstan temır joly» Ūlttyq kompaniiasyna qarasty Şymkent magistraldyq jelı bölımşesınıŋ qyzmetkerlerınıŋ ailyǧyn 1 şıldeden bastap 10%-ǧa köteru turaly şeşım qabyldanǧan. «Kölık qyzmetkerlerı künıne» orai kem degende 42500 teŋge kölemınde syiaqy tölendı. Sondai-aq, jeltoqsan aiynda Täuelsızdıktıŋ 30 jyldyǧyna orai 1 AEK (42500 teŋge) mölşerınde syiaqy tölenedı. 2021-2023 jyldarǧa jasalǧan jaŋa ūjymdyq şartqa özgerıster engızıldı. 2021 jylǧy mausymnan bastap stansiialarda, razezderde, jaqyn maŋdaǧy auyldyq okrugterde tūratyn jäne osy stansiialar men razezderde jūmys ısteitın qyzmetkerlerge qosymşa aqy tölenıp jatyr», - dedı käsıpodaq basşysy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz