Nūrsūltan Nazarbaev prezidenttık bilıkten bas tartar kezde saiasi jüiedegı öz yqpalyn kezeŋ kezeŋmen bosatudy tereŋ josparlaǧan bolsa kerek. Bügın jetekşı «NurOtan» partiiasy keŋeitılgen saiasi keŋesındegı partiia töraǧasynyŋ jariialaǧan sözın oqi otyryp osyndai oiǧa keldım.
Eŋ bırınşı eleŋ etkızgen jaŋalyq ärine, partiiadaǧy töraǧalyqty Qasym-Jomart Toqaevqa ötkızu turaly şeşım. Būl şeşım partiianyŋ saiasi jüiedegı alatyn ornyn eskere otyryp, saiasi tranzittıŋ maŋyzdy qadamy dep baǧalauǧa bolady. Partiia töraǧasynyŋ būl şeşımın köpşılık däl qazır kütpese kerek. Degenmen būl şeşım partiialyq jaŋǧyruǧa odan ärı batyl jürgızuge jasalǧan qadam dep baǧalauǧa bolady.
Elbasy bügınde «Nur Otan» - elımızdıŋ basty saiasi küşı ekenın taǧy eske saldy. «Halyqaralyq täjıribe quatty memleket pen damyǧan azamattyq qoǧamnyŋ qalyptasuy üşın eldıŋ alǧa qarai tūraqty qozǧalysynyŋ 40-50 jyly qajet ekenın aiǧaqtaidy. Būl köptegen elderdegı bileuşı saiasi partiialardyŋ ūzaq merzımdı köşbasşylyǧy, būl sättılık pen äleumettık-ekonomikalyq ösudıŋ şarty boldy» dep atap öttı Nūrsūltan Nazarbaev.
Bızdıŋ saiasi jüienıŋ basty maqsaty - älemnıŋ eŋ damyǧan 30 elınıŋ qataryna kıru. Būl jospar «Qazaqstan-2050» Strategiiasynda belgılengen. Būl maqsatqa jetudegı erekşe röl «Nur Otan» - ǧa jüktelgen.
Partiianyŋ qazırgı töraǧasy partiia öz jūmysynda 5 negızgı prinsiptı ūstanuy kerek ekenın aitty:
1.Ärdaiym uaqytpen bırge jüru. Älemge kırgen özgerıster däuırı bızdıŋ qoǧamda körınıs tabady. Partiia ünemı jaŋaryp otyruy, zamanaui jäne ūtqyr boluy, özgerıster aiasynda qaluy tiıs.
2.Ärqaşan halyqtyŋ müddesın eskeru.Halyqtyŋ naqty mäselelerın şeşe otyryp, partiia bükıl eldıŋ damuyna yqpal etu.
3.Partiia aiqyn maqsattar men olarǧa qol jetkızudıŋ naqty joldaryn aituy tiıs.Barlyq aitylǧan jasaluy tiıs. Partiia ärqaşan sailaualdy uädelerın jüzege asyrudy qamtamasyz etuı kerek.
4.Partiia özınıŋ maqsattaryna jūmyla jūmylǧan jäne bırtūtas komandamen jetuge tiıs.
5.«Nur Otan» - qoǧamdy bükıl halyq üşın ırgelı bolyp tabylatyn partiia qūndylyqtarynyŋ ainalasyna toptastyru kerek.
Nazarbaev üşın bırıktıruşı ideia - būl Qazaqstannyŋ güldenuı men azamattardyŋ äl-auqatyn arttyru.
Elbasy elımızdıŋ öz täuelsızdıktıŋ otyz jyldyǧyn aituly jetıstıktermen qarsy alyp otyrǧanyn erekşe aityp öttı:
Otyz jylda müldem jaŋa buyn qalyptasty. 9,5 millionnan astam säbi düniege keldı. Būl halqymyzdyŋ jartysyn qūraidy. Jaŋa ūrpaqta müldem jaŋa dünietanym qalyptasuda. Nūrsūltan Nazarbaev jaŋa ūrpaqtyŋ eŋ basty missiiasy – memlekettıktı saqtau, Qazaqstandy «Mäŋgılık El» etu.
Osy oraida Elbasy jaŋa däuırdegı qazaqstandyqtarǧa baǧdar bolatyn «Eldıktıŋ jetı tūǧyry» atty qaǧidattar jiyntyǧyn ūsyndy:
Ekınşı qūndylyq -bırlık pen kelısım – eldıgımızdıŋ myzǧymas tūǧyry. Bügınde bırlık pen etnosaralyq tatulyqty saqtau bır şaŋyraqtyŋ astynda tatu-tättı ǧūmyr keşıp, tatulyq pen syilastyqty qamtamasyz etudıŋ maŋyzdylyǧyna toqtaldy.
Üşınşı - Jer – ata-baba mūrasy, halyq qazynasy. Qazaq üşın jerden qasiettı eşnärse joq. Tarihymyzdaǧy soǧys ataulynyŋ bärı el men jerdı qorǧau üşın bolǧan. 13 myŋnan astam şaqyrym şekarany bekıtu oŋai bolmaǧanyn bılemız. Jer ata-baba amanaty.
Törtınşı tūǧyr - otbasy men salt-dästür – qoǧamnyŋ altyn dıŋgegı. Otanǧa degen süiıspenşılık – öz otbasyŋa, auyl-aimaǧyŋa, elıŋe degen mahabbat pen janaşyrlyqtan bastalady.
Besınşı qūndylyq - ūlttyq mädeniet – halyqtyŋ ruhani tıregı. Qazırgı taŋda jahandyq bäsekege qabılettı bolu üşın bıregei ūlttyq mınez, asqaq ruh kerek. Mūndai qasietter tarihty bılu, mädeni qūndylyqtardy tanu arqyly keledı.
Altynşy - bılım men eŋbek – baquatty ömırdıŋ kıltı. «Özıŋe sen, özıŋdı alyp şyǧar, eŋbegıŋ men aqylyŋ ekı jaqtap» dep dana Abai aitqandai, bız tek öz bılımımız ben küşımızge senuımız kerek.
Jetınşı - pragmatizm – bäsekege qabılettı boludyŋ kepılı.
Būl qūndylyqtar Elbasynyŋ aituynşa «Nur Otan» ortalyq platformasynyŋ jäne Qazaqstanǧa 30 jyldyq joldy küizelıssız ötuge mümkındık bergen bızdıŋ memlekettık baǧytynyŋ negızın qūraidy. Osy qūndylyqtar endıgı keler otyz jyldyqtarda qoǧamǧa baǧdar bolatyn ūstanymdar. Eldıktıŋ jetı tūǧyry otyz jyldyq saiasi täjıribeden tuyndaǧan jäne aiqyndalǧan basymdyqtarǧa negızdelgen. Sonymen bırge būl tūǧyrlar älemdık täjıribedegı jaŋa memleketterdıŋ negızın qalaǧan Mūstafa Kemal, Djodj Vaşington, Li Kuan Iý sekıldı tūlǧalar memleketşıldık ūstanymdaryna säikes keledı.
Nūrsūltan Nazarbaev özınıŋ 2007 jyly şyqqan «Qazaqstan joly» degen strategiialyq kıtabynyŋ kırıspesınde «...Būl jerde bosaŋdyqqa salynuǧa äste de bolmaidy, eŋ bastysy – alǧa ünemı ūmtylu. Tıptı, beinelep aitqanda chempionnyŋ mındetı tek «altyndy» jeŋıp alu ǧana emes, sonymen bırge özınıŋ köşbasşylyq qalpyn ūstap tūra bıluınde. Al būl özıŋnıŋ aldyŋa jaŋa, kürdelı jäne biık maqsattar ünemı qoiyp otyrǧanda ǧana mümkın bolmaq...» dep jazǧan bolatyn. Bügıngı küngı aitylǧan eldıktıŋ tūǧyry turaly oilary - aldyŋǧy ūrpaq üşın amanat.
Elbasy özınıŋ köşbasşylyq missiiasyn saqtai otyryp, saiasi yqpalyn kezeŋ kezeŋmen senıp tapsyruy logikalyq oilastyrylǧan qadamdar dep oilaimyn. Barlyǧynyŋ tereŋ josparmen negızdelgen, özındık mänı bar äreketter. Prezidenttık tranzit endı partiialyq tranzitke ūlasty. Būl partiianyŋ ūzaq merzımdı strategiialyq josparyna säikes keledı.
Tūŋǧyş prezident aldaǧy 30 jyl – eldıgımızdı nyǧaitudyŋ jaŋa kezeŋı bolatyna ülken senımmen qaraidy. Ol üşın är azamat ūltymyzdyŋ bolaşaǧy üşın jauapkerşılıktı öz moinyna alyp, ony tolyq sezıne bılgen kezde jüzege asady degen oimen qorytyndylaidy.
Nūrsūltan Nazarbaevqa zamandastarynyŋ bergen baǧasy qanşa degenmen subektivtı körınetını sözsız. El tarihynda «Qasym hannyŋ qasqa joly» nemese «Abylaidyŋ aq jolyndai», «Nazarbaev ülgısınıŋ» özınıŋ tiıstı baǧasyn alatyny sözsız. Tarih barlyǧyna töreşı.
Eldos Jūmaǧūlov, saiasattanuşy
