Perinataldy ortalyqtyŋ bas därıgerı Quanyş Nysanbaev, akuşer-ginekolog Asqar Qaiyrjan jäne akuşer Jämilä Qūlbatyrova tergeu abaqtysynan koloniiaǧa auystyryldy.
Quanyş Nysanbaev pen Asqar Qaiyrjan Oral qalasyndaǧy qataŋ rejimdegı koloniiaǧa auystyryldy. Atyşuly ıs boiynşa taǧy bır aiyptaluşy Jämilä Qūlbatyrova jazasyn Almagül yqşam audandaǧy äielder koloniiasynda öteitın boldy. Neonatolog därıgerler Ruslan Nūrmūhambetov pen Dariǧa Jūmabaeva probasiia qyzmetınıŋ baqylauyna alyndy, dep habarlady "Aqjaiyq".
Asqar Qaiyrjan basylym redaksiiasyna sūhbat beru turaly ūsynyspen hat joldady. Alaida qylmystyq atqaru jüiesı departamentı men oblystyq sot tılşını tergeu izoliatoryna kırgızuden bas tartty.
Eske salsaq, perinataldy ortalyqtyŋ bas därıgerı Quanyş Nysanbaev, akuşer-ginekolog Asqar Qaiyrjan jäne akuşer Jämilä Qūlbatyrova aldyn ala söz bailasu arqyly jaŋa tuǧan närestenı ölımıne kınälı dep tanylyp, tiısınşe 18, 16 jäne 15 jylǧa bas bostandyǧynan aiyrylǧan bolatyn. Al därıger-neonatologtar Ruslan Nūrmūhambetov pen Dariǧa Jūmabaeva qylmys turaly habarlamaǧany üşın üş jylǧa bas bostandyǧyn şekteu jazasyn aldy.
Jaŋa tuǧan närestenıŋ ölımı
2019 jyldyŋ 29 qyrküiegınde Atyrau perinataldyq ortalyǧynda düniege kelgen näreste qimylsyz jatqannan keiın därıgerler ony ölı tudy dep tırkegen. Alaida stoŋazytqyş kameraǧa aparǧan kezde aiaǧy qimyldai bastaǧan. Sybailas jemqorlyqqa qarsy qyzmettıŋ habarlauynşa, därıgerler qūjatty tüzetpeu üşın ony toŋazytqyşta qaldyruǧa şeşım qabyldaǧan. Sotta tergeuşı Asqarbek Ermūqaşev därıgerlerdıŋ telefon arqyly söilesken stenogrammasy bar ekenın aitqan. Filologiialyq saraptamanyŋ qorytyndysy da jasaldy. Sonda därıgerlerdıŋ bır-bırımen keŋesıp, balanyŋ taǧdyryn şeşkenı anyq baiqalady. Äŋgımenıŋ stenogrammasynda "Qūdai bızdı keşırsın" degen sözder bar.Därıgerlerge sot ükımı şyqty
2020 jyldyŋ 18 qaŋtarynda Atyrauda jaŋa tuǧan balany aldyn ala söz bailasu arqyly öltırdı dep aiyptalǧan oblystyq perinataldyq ortalyqtyŋ därıgerlerıne sot ükımı şyqty. Sot olardy kınälı dep tanyp, perinataldyq ortalyqtyŋ būrynǧy bas därıgerı Quanyş Nysanbaevty 18 jylǧa, akuşer-ginekolog Asqar Qaiyrjandy 16 jylǧa, akuşer Jämilä Qūlbatyrovany 15 jylǧa bas bostandyǧynan aiyrdy. Neonatolog-därıgerler Ruslan Nūrmūhambetov pen Dariǧa Jūmabaeva qylmys turaly habarlamaǧany üşın kınälı dep tanylyp, üş jylǧa bas bostandyǧy şekteldı.“Adyrna” ūlttyq portaly
Ūqsas jaŋalyqtar
