Tońazytqyshtaǵy náreste ólimi: kináli dárigerler kolonııaǵa aýystyryldy

3233
Adyrna.kz Telegram

Perınataldy ortalyqtyń bas dárigeri Qýanysh Nysanbaev, akýsher-gınekolog Asqar Qaıyrjan jáne akýsher Jámılá Qulbatyrova tergeý abaqtysynan kolonııaǵa aýystyryldy.

Qýanysh Nysanbaev pen Asqar Qaıyrjan Oral qalasyndaǵy qatań rejımdegi kolonııaǵa aýystyryldy. Atyshýly is boıynsha taǵy bir aıyptalýshy Jámılá Qulbatyrova jazasyn Almagúl yqsham aýdandaǵy áıelder kolonııasynda óteıtin boldy. Neonatolog dárigerler Rýslan Nurmuhambetov pen Darıǵa Jumabaeva probaııa qyzmetiniń baqylaýyna alyndy, dep habarlady "Aqjaıyq".

Asqar Qaıyrjan basylym redakııasyna suhbat berý týraly usynyspen hat joldady. Alaıda qylmystyq atqarý júıesi departamenti men oblystyq sot tilshini tergeý ızolıatoryna kirgizýden bas tartty.

Eske salsaq, perınataldy ortalyqtyń bas dárigeri Qýanysh Nysanbaev, akýsher-gınekolog Asqar Qaıyrjan jáne akýsher Jámılá Qulbatyrova aldyn ala sóz baılasý arqyly jańa týǵan náresteni ólimine kináli dep tanylyp, tıisinshe 18, 16 jáne 15 jylǵa bas bostandyǵynan aıyrylǵan bolatyn. Al dáriger-neonatologtar Rýslan Nurmuhambetov pen Darıǵa Jumabaeva qylmys týraly habarlamaǵany úshin úsh jylǵa bas bostandyǵyn shekteý jazasyn aldy.

Jańa týǵan náresteniń ólimi

2019 jyldyń 29 qyrkúıeginde Atyraý perınataldyq ortalyǵynda dúnıege kelgen náreste qımylsyz jatqannan keıin dárigerler ony óli týdy dep tirkegen. Alaıda stońazytqysh kameraǵa aparǵan kezde aıaǵy qımyldaı bastaǵan.

Sybaılas jemqorlyqqa qarsy qyzmettiń habarlaýynsha, dárigerler qujatty túzetpeý úshin ony tońazytqyshta qaldyrýǵa sheshim qabyldaǵan. Sotta tergeýshi Asqarbek Ermuqashev dárigerlerdiń telefon arqyly sóılesken stenogrammasy bar ekenin aıtqan.

Fılologııalyq saraptamanyń qorytyndysy da jasaldy. Sonda dárigerlerdiń bir-birimen keńesip, balanyń taǵdyryn sheshkeni anyq baıqalady. Áńgimeniń stenogrammasynda "Qudaı bizdi keshirsin" degen sózder bar.

Dárigerlerge sot úkimi shyqty

2020 jyldyń 18 qańtarynda Atyraýda jańa týǵan balany aldyn ala sóz baılasý arqyly óltirdi dep aıyptalǵan oblystyq perınataldyq ortalyqtyń dárigerlerine sot úkimi shyqty.

Sot olardy kináli dep tanyp, perınataldyq ortalyqtyń burynǵy bas dárigeri Qýanysh Nysanbaevty 18 jylǵa, akýsher-gınekolog Asqar Qaıyrjandy 16 jylǵa, akýsher Jámılá Qulbatyrovany 15 jylǵa bas bostandyǵynan aıyrdy.

Neonatolog-dárigerler Rýslan Nurmuhambetov pen Darıǵa Jumabaeva qylmys týraly habarlamaǵany úshin kináli dep tanylyp, úsh jylǵa bas bostandyǵy shekteldi.

“Adyrna” ulttyq portaly

Pikirler