Bügınde jaryqsyz bır künıŋdı ötkızu mümkın emes. Sebebı üide de, jūmysta da barlyq qyzmet elektr quatynyŋ küşımen ıske asady. Al onyŋ qanşalyqty qauıptı ekendıgıne qaramastan, kün saiyn jeke basy men densaulyǧyn qaterge tıgetın Baqtiiar Berdievtıŋ eŋbegıne tūrǧyndar dän riza.
— Men otbasynda köp balanyŋ bırı bolyp östım. Ata-anam qarapaiym eŋbek adamdary boldy. Sol sebeptı eŋbekke erte aralastym. Mekteptı bıtırgennen keiın bırneşe jyl äkemnıŋ qasynda jürıp, jūmys jasadym. Keiın Nökıs qalasyndaǧy politehnikalyq uchilişege tüsıp elektrik mamandyǧyn tämamdadym. Ony aiaqtaǧan soŋ sol qaladaǧy motor şyǧaratyn zauytta tört jyl elektromonter bolyp jūmys ıstedım. Arada bırneşe jyl ötken soŋ Aqtöbe qalasyna köşıp keldım. Qazır qala ırgesındegı Pridorojnyi bau-baqşa ūjymyndaǧy elektr jüielerın qaraimyn. Būryn audanymyzdaǧy elektr quatynyŋ küşı az, älsız boldy. Sol sebeptı keide jaryq sönıp qalatyn. Alaida tūrǧyndardyŋ bırıgıp qoldau körsetuımen eskı transformatorlardy jaŋalap, elektr jelılerın jöndedık. Qazır osy ūjymda elektrikpın. Elektr jelılerın qadaǧalaimyn, tūrǧyn üilerdıŋ ünemı jaryqpen qamtyluyn baqylaimyn, — deidı Baqtiiar Däuletbaiūly.
Öz ısıne asa jauapkerşılıkpen qaraityn Baqtiiar Berdiev on jyldan berı «Energosistema» JŞS-ynda jaryqtandyru salasy boiynşa elektrik bolyp jūmys ısteidı. Özı tūratyn audannyŋ jaryqpen qamtamasyz etıluın qadaǧalaityn onyŋ qaramaǧynda 80-ge juyq abonent bar.— Elektrik mamandyǧynyŋ sala-bölımderı är türlı. Men jaryqty jeke üiler men päterlerge baryp qospaimyn. Tek qajettı aimaqqa deiın jetkızıp beremın. Jūmysymnyŋ köbı dalada ötedı. Sondyqtan aua raiynyŋ kürt özgeruı keide jūmysymyzda köp qiyndyq tuǧyzady. Jazdyŋ jeldı künderı men qystyŋ qarly borandary jelılerdı üzıp, baǧanalardy qūlatyp ketedı. Kei jaǧdaida tal-terekter de elektr jelılerınıŋ üzıluıne sebep bolady. Osyndai jaǧdailarda tok jüielerınen tūrǧyndardyŋ zardap şekpeuın qataŋ baqylauda ūstaimyz. Sondai-aq, jelılerdı jalǧap, tekseru barysynda ony jan-jaqty qarap, zerttep almai ıske kırıspeimız. Öitkenı, joǧary kerneulı tokpen jūmys jasau oŋai şarua emes. Tok közge körınbeidı, onyŋ bar-joǧyn aŋǧarmai qalsaŋ, qaterge ūrynasyŋ. Būl ülken yjdaǧattylyqty, bılıktılıktı qajet etedı. Sondyqtan kez kelgen uaqytta qauıpsızdık erejelerınıŋ saqtalǧandyǧyn dūrys köremın, — deidı ol.
Energetika salasynda bıraz jyl eŋbek etken keiıpkerımızdıŋ osyndai käsıptık şeberlıkke jetuı onyŋ öz ısıne degen süiıspenşılıgınen bolsa kerek, ol: «Eger ekınşı märte mamandyq taŋdau mümkındıgı berılse, oilanbastan taǧy da jaryqtandyruşy bolar edım», — deidı.— Sebebı adal qyzmet jaryq tūtynuşylar aldyndaǧy jauapkerşılık mındetımdı arttyrsa, sol eŋbektıŋ tättı jemısı köŋılımdı marqaitady, biık maqsattarǧa jeteleidı. Ärqaşan eŋbegım elenıp, şynaiy yqylasym baǧalanyp jatady. Sondyqtan men öz jūmysymdy aldymen süiıspenşılıkpen jäne jauapkerşılıkpen atqaruǧa tyrysamyn, — deidı keiıpkerımız.
«Erınbei eŋbek etken adam ǧana biıktı baǧyndyrady» dep esepteitın Baqtiiar Däuletbaiūly qazır jastar mamandyq taŋdauda öz qabıletterıne emes, qarajattaryna köp senetının aitady. Onyŋ aituynşa, soŋǧy kezderı «zamanyŋ tülkı bolsa, tazy bop şal» demekşı, jastardyŋ köbı jūmysy jeŋıl, eŋbekaqysy joǧary, jaily da zäulım ǧimarat ne keŋse ışınde otyryp jūmys jasaǧandy qūp köredı.— Bügıngı künnıŋ ata-anasy bar jiǧan-tergenın auyzdarynan jyryp, balalaryn oqytuǧa jūmsaidy. Al jastardyŋ köp bölıgı ekonomist, zaŋger boludy qalaidy. Alaida keiın öz mamandyqtary boiynşa tūraqty jūmys taba almai, är jerde jeŋıl jūmys jasap, kün köredı. Sondyqtan äsırese, er balalar tehnikalyq mamandyqtardy igerıp, öz betımen jaŋa tehnologiialardy üirenıp, jaŋaşyldyqqa boi ūsynǧandary jön dep oilaimyn. Är adam öz qarym-qabıletı men mümkındıgıne qarai oqyp, eŋbek etse, soǧūrlym jaqsy nätijeler men jeŋıske qol jetkızedı, — deidı ol.
Öz ısıne şyn berılgen mamannyŋ eŋbeksüigıştıgın joǧary baǧalaityn Pridorojnyi bau-baqşa ūjymynyŋ tūrǧyndary ony: «Şeber bolsa, Baqtiiardai bolsyn!» dep maqtap otyrady. Aqtöbe öŋırı energetikasynyŋ damuy men qala köşelerınıŋ jaryqtanuyna erekşe ülesın qosyp, olardy jetıldıru jäne jaŋǧyrtu şaralaryna bar ynta-yqylasymen atsalysyp jürgen onyŋ alǧa qoiǧan maqsattary men josparlary köp.— Aldaǧy uaqytta özım tūratyn audannyŋ köşelerın jaryqtandyryp, sondai-aq, tūrǧyndardyŋ qauıpsızdıgın qamtamasyz etu üşın beinekameralar ornatsam deimın. Äzırge bızdıŋ bau-baqşa ūjymyndaǧy köşelerge resmi status berılgen joq. Sondyqtan memleket tarapynan eşqandai kömek bolmai tūr. Degenmen keleşekte joldar jaŋaryp, tūrǧyndardyŋ jaǧdaiy jaqsarady dep senemın, — deidı B. Berdiev.
Danagül BAIMŪQAŞ,
«Adyrna» ūlttyq portaly.
