Elimizde sán úshin salynǵan meshitter kóbeıip, birazy qańyrap qalǵan. Din isteri mınıstri Nurlan Ermekbaevtyń aıtýynsha, ımamy joq, adam kóp barmaıtyn bul ǵımarattardy qojaıyndary saýdaǵa qoıyp jatyr, dep habarlaıdy KTK.
Keı meshitter tipti jamaǵat sanyna sáıkes kelmeıdi deıdi mınıstr. Onyń ústine, halyq kóp júretin kósheniń boıyna salynǵan meshitter men shirkeýlerdiń keıbirinde kólik qoıatyn oryndary bolmaıdy. Daýysy qatty shyǵyp, qońyraýlary aınaladaǵy turǵyndardyń mazasyn alady. Osyny buldap mınıstrlikke shaǵymdanatyndar kóbeıgen. Sondyqtan, ǵıbadathanalardyń, ásirese meshitterdiń qurylysyn tártipke keltiretin ýaqyt jetti deıdi Ermekbaev.
“Búginde elimizde 3601 meshittiń 84-i qańyrap bos tur. Bul proesti júıege keltirý úshin dinı ǵıbadathanalar salýǵa ruqsat beretin aıqyn standarttar bolýy qajet. Sonyń ishinde, jańadan qurylys salýǵa nıetti azamattarǵa qosymsha talaptar qoıylýy múmkin. Mysaly, ǵıbadathana salýdyń jańa úlgili erejelerin engizý kerek”, – deıdi QR Din isteri jáne azamattyq qoǵam mınıstri Nurlan Ermekbaev.
QR Din isteri jáne azamattyq qoǵam mınıstri Nurlan Ermekbaev.
Stan.kz
