Túrkııanyń arnaıy qyzmet ókilderi Erdoǵan qatysýǵa tıis mıtıngte terakt jasalmaq bolǵanyn aıtty. Bıleýshi partııanyń tóraǵa orynbasary Hamza Daganyń sózinshe, arnaıy qyzmet ókilderi kólikterdi tekserý barysynda bombany tapqan.
«Jarylǵysh zat Mardınde jumys isteıtin polıııa kóligine ornatylǵan. Kólik Sıırtke kelgende ony jarý josparda bolǵan. Olar osylaısha mıtıngti toqtatyp, beıbitshilikke nuqsan keltirýdi oılaǵan», — dedi Hamza telearnalarǵa bergen túsiniktemede. Qazirgi tańda kúdiktilerdi izdeý jalǵasýda.
Erdoǵandy qoldaý mıtıngi Sıırtte ótti. Erdoǵan eldegi jaǵdaıdy turaqtandyryp, ekonomıkany ósirýge ýáde etti. Sarapshylar terakt jasap, artynsha prezıdentke shabýyl jasalmaq bolǵan deıdi. 2018 jyly Túrkııa arnaıy qyzmet ókilderi Erdoǵanǵa Bosnııa jáne Geregovınaǵa barar sátte shabýyl jasalýy múmkin ekendigin aıtqan edi.
"Adyrna" ulttyq portaly
