Jürsın Erman DDSŪ basşysymen qalai qūda bolǧanyn aityp berdı, dep habarlaidy «Adyrna» tılşısı Sputnik Qazaqstanǧa sılteme jasap.
"Menıŋ Ardaq degen kışı qyzym bar. Osy Almatyda tūrady. Sodan tuǧan Aidana degen nemere jienım bar. Sol balany mektepte oqyp jürgende tıl üirensın dep Jaŋa Zelandiiaǧa jıbergenbız. Sol jaqta mekteptı bıtırgennen keiın özı Şveisariiadaǧy akademiiaǧa "qonaq üi biznesı" boiynşa oquǧa tüsken. Odan keiın İspaniiaǧa baryp, magistraturada oqydy. Al tört jyl būryn Düniejüzılık densaulyq saqtau ūiymynyŋ bas direktory Tedros Gebreisustyŋ ülken ūlyna tūrmysqa şyqqan. Qazır bır qyzy bar", - dedı ol.Onyŋ aituynşa, Tedros Gebreisus bas qūda retınde Qazaqstanǧa kelıp ketken. Aidanany ūzatuǧa qatysty. Künı keşe Jürsın Erman 70-jasqa toldy. Meretoiǧa Jenevadaǧy bas qūda da şaqyryldy. Bıraq jūmys babyna bailanysty kele almaǧan.
"Tedros qūda kelem degen. Bıraq kele almady. Düniejüzılık densaulyq saqtau ūiymynyŋ sezı bolyp qaldy. Sodan beineqūttyqtau jıberdı. Qazaqşa söiledı. Soŋynda menıŋ bır auyz öleŋımdı de oqyp berdı", - dep atap körsettı Erman.Aidana şetelde qalsa da, töl mädenietı men önerın ūmytpaidy. Özımen bırge dombyrany alyp ketken. Än aityp, küi tartady. Al atasyna qazaq tılın üiretıp qoiǧan.
«Adyrna» ūlttyq portaly
