Júrsin Erman DDSU basshysymen qalaı quda bolǵanyn aıtyp berdi, dep habarlaıdy «Adyrna» tilshisi Sputnik Qazaqstanǵa silteme jasap.
"Meniń Ardaq degen kishi qyzym bar. Osy Almatyda turady. Sodan týǵan Aıdana degen nemere jıenim bar. Sol balany mektepte oqyp júrgende til úırensin dep Jańa Zelandııaǵa jibergenbiz. Sol jaqta mektepti bitirgennen keıin ózi Shveıarııadaǵy akademııaǵa "qonaq úı bıznesi" boıynsha oqýǵa túsken. Odan keıin Ispanııaǵa baryp, magıstratýrada oqydy. Al tórt jyl buryn Dúnıejúzilik densaýlyq saqtaý uıymynyń bas dırektory Tedros Gebreısýstyń úlken ulyna turmysqa shyqqan. Qazir bir qyzy bar", - dedi ol.
Onyń aıtýynsha, Tedros Gebreısýs bas quda retinde Qazaqstanǵa kelip ketken. Aıdanany uzatýǵa qatysty. Kúni keshe Júrsin Erman 70-jasqa toldy. Meretoıǵa Jenevadaǵy bas quda da shaqyryldy. Biraq jumys babyna baılanysty kele almaǵan.
"Tedros quda kelem degen. Biraq kele almady. Dúnıejúzilik densaýlyq saqtaý uıymynyń sezi bolyp qaldy. Sodan beınequttyqtaý jiberdi. Qazaqsha sóıledi. Sońynda meniń bir aýyz óleńimdi de oqyp berdi", - dep atap kórsetti Erman.
Aıdana shetelde qalsa da, tól mádenıeti men ónerin umytpaıdy. Ózimen birge dombyrany alyp ketken. Án aıtyp, kúı tartady. Al atasyna qazaq tilin úıretip qoıǵan.
«Adyrna» ulttyq portaly
