Nūr-Sūltanda ūlandyqtar köpırden sekırmek bolǧan jıgıttı qūtqardy. Būl turaly Işkı ıster ministrlıgınıŋ baspasöz qyzmetı jazdy, dep habarlaidy «Adyrna» tılşısı.
Oqiǧa 3 jeltoqsan künı keşkı saǧat 21.30 şamasynda oryn aldy. Patruldık-bekettık qyzmet atqaru barysynda Ūlttyq ūlan 5573 äskeri bölımınıŋ äskeri qyzmetşılerı öz erkımen ömırımen qoştasqysy kelgen jıgıttıŋ äreketıne tosqauyl qoidy. Er jıgıt Esıl özenındegı köpırden sekırgısı kelgen.
Qoǧamdyq tärtıptı qamtamasyz etu boiynşa qyzmet atqaru barysynda äskeri jasaq bastyǧy qatardaǧy Häkımjan Sarbasov jäne patrulşıler Maksim Riumina jäne Roland Arapievpen bırge özen boiyn jaǧalap kele jatyp, Saryarqa köşesındegı köpırden “Ömır sürgım kelmeidı, ölgım keledı” degen jıgıttıŋ dauysyn estidı.
– Köpırden sekırgısı kelgen jıgıttı körıp, bız dereu oǧan qarai asyqtyq. Er azamat “Radisson” qonaq üiınıŋ qasyndaǧy köpırde tūrdy. Osy uaqytta ol qorşaudyŋ arǧy jaǧyna ötıp ülgerdı. Jas jıgıt köpırden sekırıp, suisid jasaǧysy keldı, – deidı ūlandyq jauynger Häkımjan Sarbasov.Äskeri qyzmetşıler azamatpen söilesıp, ony būl oiynan bas tartuǧa şaqyrdy. Osy sätte ötıp bara jatqan basqa da tūrǧyndar azamattyŋ oqys qylyq jasamauyn ötındı. Keiın ūtymdy sättı paidalana otyryp, äskeriler men azamattar qyl üstınde tūrǧan jıgıttı köpırdıŋ arǧy jaǧynan alyp şyqty. Būdan soŋ ony jūbatyp, äskeri jasaqtar boiynşa kezekşıge tapsyrdy. 2003 jylǧy azamat ärı qarai män-jaidy anyqtau üşın Saryarqa audanynyŋ polisiia basqarmasyna jetkızıldı.
