Memleket basşysy äiel men balalardyŋ qūqyǧyn qorǧau, otbasyndaǧy zorlyq-zombylyqty boldyrmau maqsatynda azamattyq qauymdastyqtarmen talqylau jürgızıp, barlyq pıkırlerdı nazarǧa aludy tapsyrǧan bolatyn. Osyǧan orai Şymkentke arnaiy ıssaparmen kelgen QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraiymy, QR Parlamentı Mäjılısınıŋ deputaty Lazzat Ramazanova qoǧam ökılderımen kezdestı.
«Otbasy mektebı» otbasylyq qūndylyqtaryn nyǧaitu» jobasy aiasynda ötken kezdesuge qala äkımınıŋ bırınşı orynbasary Ş.Mūqan jäne jergılıktı atqaruşy organdardyŋ basşylary, qalalyq mäslihat deputattary, jergılıktı polisiia qyzmetkerlerı, daǧdarys ortalyqtary men belsendı ükımettık emes ūiymdardyŋ ökılderı qatysty.
Onda alǧaş bolyp söz alǧan Ūlttyq komissiianyŋ töraiymy Lazzat Ramazanova otbasy qūndylyqtary tūrǧysynda söz qozǧady. Otbasyndaǧy ata-ananyŋ rölı, qoǧammen bailanys, otbasy institutyn nyǧaituǧa baǧyttalǧan zaŋ normalaryn jetıldıru mäselesın ortaǧa saldy.
Sonymen qatar, jiynǧa qatysqan Respublikalyq Äkeler odaǧy qoǧamdyq bırlestıgınıŋ töraǧasy Maqsūtbek Aitmaǧanbet, Street Law Kazakhstan baǧdarlamasynyŋ trenerı, zaŋger Medet Userov, «Atameken» ŪKP Isker äielder keŋesınıŋ müşesı Aijan Mūqataeva, teledärıger, endokrinolog, anti-age ekspert Güljan Amanbai sanaly otbasy jäne äkenıŋ bala tärbiesıne aralasuy, psihologiialyq mäseleler taqyrybynda pıkırlerın bıldırdı.
Kezdesu soŋynda «Tūrmystyq zorlyq-zombylyqqa qarsy ıs-qimyl turaly» QR Zaŋynyŋ jobasy talqylanyp, ūsynystar jinaqtaldy.
"Adyrna" ūlttyq portaly.
