Bul týraly búgin Shymkent qalasynyń jumyspen qamtý jáne áleýmettik qorǵaý basqarmasynyń basshysy Balmarjan Narbekova málimdedi. Aqparattyq-kommýnıkaııalyq ortalyǵynda ótken brıfıngte jaýapty basshy Memleket basshysy Q.Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý baǵytynda áleýmettik qorǵaý saıasatynyń júzege asyrylýy men halyqty jumyspen qamtý baǵyttarynyń aǵymdaǵy jyldyń 9 aılyq kórsetkishi týraly baıandady.
«Ten qogam» áleýmettik keńes berý ortalyǵy bıylǵy jyldyń 1 shildesinde ashyldy. – Búgingi kúnge deıin 4224 múmkindigi shekteýli azamatqa túrli qyzmetter kórsetildi. Atap aıtqanda, sanatorıı-kýrorttyq emdelýge joldama alýǵa ótinim bergender sany - 2099, joldama alǵandar - 1783, «Bastaý bıznes» jobasy boıynsha kásipkerlik negizderine oqytýǵa joldanǵan - 1, psıhologtyń kómegine júgingender sany - 20, mindetti gıgıenalyq quraldar alǵandar sany -225 qurap otyr, - dep atap ótti Balmarjan Narbekova.
Ortalyqta azamattarǵa quqyqtyq keńester, azamattardyń suranysy men múmkindigine qaraı jumyspen qamtý sharalary, turǵyn úımen qamtý máselelerine qatysty keńester beriledi. Sonymen qatar, atalǵan ortalyqta mamandardyń kómegimen aleumet.egov.kz portaly arqyly ózderine tıesili túrli áleýmettik qyzmetterga tapsyrys bere alady. Aıta ketsek, erekshe qorǵalǵan azamattar úıden shyqpaı-aq elektrondyq qoltańbamen http://aleumet.egov.kz siltemesi arqyly áleýmettik qyzmetterdi alýǵa múmkindigi bar. Portal arqyly tańdalǵan taýar azamattyń úıine jetkiziledi nemese qoımadan ózi alyp kete alady.
Azamat Jappar
