QR Táýelsizdiginiń 30 jyldyǵyna oraı jańa qoǵamdyq kólikterdi baǵyttarǵa úlestirý is-sharasy ótti. Sharaǵa QR Memlekettik hatshysy Q.Kósherbaev, qala ákimi M.Áıtenov qatysty.
Mereke qarsańynda Shymkentte 9 qoldanystaǵy jáne 3 jańa, jalpy 12 baǵytta qatynaıtyn 240 jańa avtobýs halyq ıgiligine paıdalanýǵa berildi. Sońǵy jyldary Shymkentte qoǵamdyq kólik qyzmeti jyldan jylǵa jetilip keledi. Qazirgi tańda qalada 13 tasymaldaýshy kompanııa jolaýshylarǵa 75 baǵyt boıynsha qyzmet kórsetedi. Onyń ishinde 57 marshrýt áleýmettik mańyzy bar baǵyt retinde belgilenip, jergilikti bıýdjettiń esebinen sýbsıdııalanyp otyr.
Qalanyń avtobýs parkinde 1 myńnan astam kólik bar. Onyń shamamen 87 paıyzy jańartyldy. Zamanaýı, jaıly avtobýstar jeldetkishtermen, beınebaqylaý kameralarymen, pandýstarmen jabdyqtalǵan. Barlyq standarttarǵa sáıkes keledi. Bıyl qoǵamdyq kólik jelisin damytý keshendi shemasy bekitildi. Sonyń nátıjesinde birqatar baǵyttar ońtaılandyrylyp, jańa marshrýttar iske qosyldy.
Sonymen qatar «Tolem» atty elektrondy tólem júıesi iske qosyldy. Barlyq avtobýstar ıfrlyq júıeler jáne GPS qondyrǵylarmen jabdyqtaldy. Buǵan i-Kolik mobıldi qosymshany ázirlep, qoldanysqa engizýge múmkindik berdi. Qosymsha arqyly turǵyndar qoǵamdyq kóliktiń qozǵalysy jaıly aqparat alyp, ózine qajet avtobýstyń qaıda kele jatqanyn kóre alady.
Keptelisti azaıtý maqsatynda jol-kólik ınfraqurylymyn damytýǵa da aıryqsha kóńil bólinip otyr. Bıyl 311 shaqyrym joldarda qurylys-jóndeý jumystary júrgizilip, onyń ishinde 270 shaqyrymy paıdalanýǵa berilip otyr.
Qala ákimi jańa avtobýstardyń halyq ıgiligine paıdalanýǵa berilýi turǵyndar úshin úlken qýanysh ekenin aıta kele, aldaǵy josparlardan habardar etti.
–Shaharda qoǵamdyq kólik jelisin damytý keshendi shemasy bekitildi. Sonyń nátıjesinde birqatar baǵyttar ońtaılandyrylyp, jańa marshrýttar iske qosyldy. Keptelisti azaıtý maqsatynda jol-kólik ınfraqurylymyn damytýǵa da aıryqsha kóńil bólinip otyr. Aldaǵy ýaqytta turǵyndardyń ıgiligi úshin qoǵamdyq kólik júıesi men ınfraqurylymdy damytý jumystary jalǵasa beredi, – dedi Murat Dúısenbekuly.
Búgin turǵyndar ıgiligine berilgen avtobýstar №17, №21, №42, №113, №133, №158, №182 jáne №43, №54, №66, №71 jańa baǵyttarda qyzmet kórsetetin bolady. Olardyń ornyndaǵy avtobýstar №2, №10, №11, №15, №16, №20, №23, №45, №52, №61, №70, №75, №96, №108, №114, №139, №171, №171a, №180, №191 marshrýttaryna baǵyttalady.
Shymkent qalasy ákimdiginiń baspasóz qyzmeti
