Uaqytpen jyljyp Täuelsızdık merekesı de kelıp qaldy. Biyl täu eter Täuelsızdıgımızge 30 jyl tolsa, QR ŪQK Şekara akademiiasyna 26jeltoqsanda tabany kürektei 90 jyl tolady. Osyǧan orai gazetımızdıŋ osy sanyn ǧasyrǧa juyq tarihy bar oqu ordasyna arnaudy jön sanadyq.
Äskeri qyzmetşılermen jūmys jasauda jauyngerlık jäne moraldyq ruh negızgı basymdyq bolyp qaralmaityn armiia joq şyǧar, sırä. Armiia üşın barlyq negızderdıŋ negızı jäne mūndaǧy maŋyzdy röl tärbieşı ofiserlerge jüktelgen. Olardyŋ mındetı – naǧyz äskeri qyzmetşı etıp tärbieleu bolyp tabylady. Osy rette tärtıp pen tärbie tızgının teŋ ūstaǧan tärbieşılerdıŋ qyzyǧynan da qiyndyǧy basym aituly qyzmetterın sözben surettep jetkızudıŋ özı oŋai şaǧylatyn jaŋǧaq emes. Äitse de, bügın bızakademiianyŋ mädeni aǧartuşylyq jäne memlekettık tıl mäselelerı turaly keŋırek äŋgımeleimız.
Aita ketu kerek, tärbielık, äleumettık-qūqyqtyq jäne ideologiialyq jūmystary jönındegı basqarma qūramyna tärbie jäne ideologiialyq jūmystary, tıl saiasaty, psihologiialyq äleumettık qamtamasyz etu bölımşesı men mädeni bos uaqyt ūiymdastyru bölımderı jatady.
Atalmyş basqarmaǧa sanaly ǧūmyryn şekaraşy mamandyǧyna arnaǧan täjıribelı şekaraşy, bılıktı ofiser polkovnik Aliev Aidos Abdibahabovich basşylyq etse, onyŋ orynbasary jaqynda ǧana polkovnik äskeri şenın alǧan ofiser Belgojaev Däuren Quanyşūly basqarma jūmysyn bır kısıdei ūiymdastyryp keledı.
Bügınde osy bılıktı şekaraşylardyŋ basşylyq etuımen akademiianyŋ negızgı baǧyttarynyŋ bırı bolyp sanalatyn joǧarydaǧy bölımder özderıne jüktelgen jauapty mındettı abyroily atqaryp jür.
Bızge bergen sūhbatynda bas tärbieşı polkovnik A.Aliev: «Maqsatymyz – auysapaly jeke qūramǧa patriottyq tärbie beru, oqu-jauyngerlık tapsyrmalardy sapaly oryndau, kursanttardy tärbieleu, joǧary moraldyq ruh, qazaqstandyq patriotizmge tärbieleu», – dep erekşe atap öttı.
«Jūmyla kötergen jük jeŋıl», - demekşı tärbie qūrylymdarynyŋ ofiserlerı akademiiadaǧy basqa da qūrylymdyq bölımdermen bırlesıp, oqu diviziondaryndaǧy moraldyq-psihologiialyq jaǧdaidy qalpyna keltıru, qasterlı şekaraşy mamandyǧynyŋ bedelı men imidjın arttyru, kursanttardyŋ ar-namysynyŋ qorǧaluyn qamtamasyz etu, äskeri tärtıp pen qūqyqtyq tärtıptı nyǧaitu üşın ülken tärbie jūmysyn atqaruda. Äsırese, būl baǧytta tärtıp pen tärbie tızgının teŋ ūstaǧan bırınşı bölım bastyǧy podpolkovnik S.Ormantaev, konsultant podpolkovnik B.Nūrpeisov jäne bölımnıŋ aǧa ofiserı maior Iý.Jomartqyzynyŋ aituly eŋbegınärıptesterı jaqsy bıledı. Sonymen qatar, psihologiialyq äleumettık qamtamasyz etu bölımşesınıŋ bastyǧy maior D.Semenov, maior R.Uteşov jäne qyzmetşı A.Berdıǧojaevany adam janynyŋ injenerı dep aitqym keledı. Är kursanttyŋ ışkı jandüniesıne üŋılıp, adam boiyndaǧy auytquşylyqtyŋ aldyn aluǧaǧa asyǧatyn psihologtar qandai qūrmetke de laiyqty.
Bız söz etıp otyrǧan basqarma ūjymy QR ŪQK Şekara akademiiasynyŋ 90 jyldyq mereitoiyna qyzu daiyndyq jūmystaryn bastap ketkelı qaşan. El Täuelsızdıgınıŋ 30 jyldyǧymen akademiianyŋ 90 jyldyǧyna orai ūiymdastyrylǧan tälım-tärbielık maŋyzy zor mädeni aǧartuşylyq jäne sporttyq aituly şaralar kursanttardyŋ qatysuymen ūiymdastyrylyp köpşılıktıŋ köŋılınen şyǧuda.
Atap aitqanda, igılıktı şaralardyŋ basy bolyp akademiianyŋ 90 jyldyǧyna orai estafeta ūiymdastyryldy. Akademiiaǧa – 90 jyl simvoly men «Men akademiiamdy maqtan tūtamyn» qūrmet kıtaby elımızdıŋ memlekettık şekarasyna jol tartyp, jaqynda ǧana qaita oralǧan bolatyn. Būl turaly bırneşe ret respublikalyq jäne vedomstvalyq basylymdarǧa arnaiy materialdar jazyldy. Sonymen qatar, oqu ordasynyŋ qūrylǧannan berı jürıp ötken jauyngerlık daŋqty jolyn därıpteitın qūndy syr şertetın suretterge toly kıtap daiyndalyp, mereitoi qarsaŋynda jaryq körmek. Osyndai jauapkerşılıgı mol bır atan tüige jük bolarlyqtai atauly jūmystardyŋ basy-qasynda jürgen mädeni bos uaqyt jūmystaryn ūiymdastyru bölımınıŋ bastyǧy maior R.Seisembekov, aǧa ofiser maior D.Qarsybaeva, serjant B.Segızbaeva, qyzmetşıler S.Kanieva, K.Erbulatov kursanttarǧa bos uaqyt qaldyrmai öner-bılımge bauluda.
Memlekettık tıldıŋ abyroiyn asqaqtatyp, bedelın biıktetıp jürgen tıl saiasaty bölımınıŋ ondaǧy tılge janaşyr ärıptesterım memlekettık tıldıŋ mereiın ösıruden jalyqqan emes. Akademiiada jiyrmadan astam özge ūlt ökılderı qyzmet atqarady. Memlekettık tıldı menıŋ tılım dep maqtan tūtatyn özge ūlt ökılderınıŋ tıl üirenuge degen qūlşynysy küştı. Şekara akademiiasynyŋ bastyǧy bekıtken äskeri qyzmetşılerdıŋ memlekettık tıldı meŋgeru boiynşa arnalǧan oqu baǧdarlamasyna säikes josparlanǧan sabaqtarda qyzyǧuşylyq tanytyp üirensem, bılsem degennietterı köŋılge quanyş ūialatady. Būdan bölek tıl janaşyrlary audarma jūmysynyŋ sapaly jasaluyn jüzege asyryp, erekşe qadaǧalaidy.Äskeri qyzmetşılerdıŋ basym bölıgı özge ūlttyŋ ökılınen bolsa da memlekettık tıldıŋ damuy bäseŋdegen emes. Memlekettık tıl bölımınıŋ bastamasymen akademiia jeke qūramynyŋ arasyndaǧy özge ūlt ökılderınıŋ öz tılderındegı qūttyqtaularyn jinaqtap «Jetı jūrttyŋ tılın bıl» jobasy jüzege asqan bolatyn. Joba aiasynda Şekara akademiiasynda qyzmet atqaratyn türlı ūlt ökılderınıŋ qatysuymen el Täuelsızdıgınıŋ 30 jyldyǧyna jäne QR ŪQK Şekara akademiiasynyŋ 90 jyldyq tarihyna orai «Sen de bır kırpış düniege...» chellendj beineroligı tüsırılıp, körermenderıne jol tartty. Sonymen qatar, «Tıl şeberı» baiqauy ūiymdastyrylyp üzdık jeŋımpazymyz anyqtalyp basqa da ärıptesterıne ülgı boldy. Taǧy bır aita ketetını, tıl saiasaty bölımı basqarma ūjymynyŋ jūmysyn qorytyndylap otyratyn basylymnyŋ şyǧuyna ūiytqy boldy.
Alaş ardaqtylarynyŋ bırı - Mırjaqyp Dulatovtyŋ «Qai eldıŋ baspasözı küştı bolsa, sol el küştı sanalady» degen sözı bar. Osy qaǧidany berık ūstanǧan basqarma ūjymy «Akademiia: Keşe.Bügın. Erteŋ.» atty oqu ornynyŋ ışınde ǧana taratylyp, aiyna bır ret jaryq köretın gazet şyǧarudy qolǧa aldy. Basylym oqu ordasynda bolyp jatqan tyŋ jaŋalyqtardy, akademiianyŋ tynys-tırşılıgın iaǧni, ötkenı men bügının üzdık kursanttar men olardyŋ tyrnaq aldy tuyndylaryn jäne ozat bölımşeler men atauly merekelık şaralardy arnaiy jariialap otyrady. Kezınde osy baspasöz arqyly ideologiialyq jūmystardy jüzege asyrǧan alpauyt elder özderınıŋ közdegen maqsatyna jetıp otyrǧany tarihtan belgılı. Sondyqtan, kursanttardyŋ ūlttyq ruhyn köteretın būl basylymnyŋ orny erekşe. Osyndai igılıktı ısterdıŋ jüzege asuyna bölım bastyǧy podpolkovnik L.Beglova, podpolkovnik S.İbraimova, maior T.Tastanov jäne qyzmetşı J.Jabyrbekovtyŋ tynymsyz eŋbegın aita ketsek artyq bolmas.
İä, «Tärbie basy – tal besık», - dep halqymyz beker aitpaǧan. Adamǧa eŋ bırınşı bılım emes, tärbie kerek. Öitkenı «Tärbiesız bılım – adamzattyŋ qas jauy, apaty», - degen eken Äl-Farabi babamyz. Olai bolsa, tärbie basqarmasynyŋ ūiymşyl ūjymy qaşanda kursanttardyŋ tärbiesıne erekşe män berıp, olardyŋ myqty azamat bolyp qalyptasuyna öz ülesın qosuda.
Jabyrbekov Janat,
QR ŪQK Şekara akademiiasynyŋ
baspasöz hatşysy
