Mereke qarsańynda Shymkent qalasy ákiminiń birinshi orynbasary Shyńǵys Muqan aq halatty abzal jandardy quttyqtap, halyqtyń saýlyǵy úshin eńbek etip júrgen dárigerlerdiń eńbegin erekshe atap ótti.
Pandemııa órshigen tusta medıına mamandary aldyńǵy shepte qyzmet etti. Áli kúnge deıin mamandar halyqtyń saýlyǵyn kúzetýde aıanbaı eńbek etýde. Kúndelikti qyzmeti óz densaýlyqtaryna qaýip tóndirse de, qyzmettik mindetterine berik boldy. Búginde medıına mamandarynyń kásibı qyzmeti, adal eńbeginiń arqasynda elimizde jaǵdaı birtindep turaqtalyp keledi. Mereke qarsańynda adam janynyń arashasy, aq halatty jandarǵa arnaıy qurmet kórsetilip, eńbekteri erekshe elendi.
Kóp jylǵy eńbegi men kásibıligi úshin úzdik dáriger, medbıke, zerthanashy, feldsherlerge «QR Táýelsizdigine 30 jyl» merekelik medalderi, «Shapaǵat» jáne «Densaýlyq saqtaý isiniń úzdigi»,«Eren eńbegi úshin» tósbelgileri jáne alǵys hattar tabystaldy.
Aıta keteıik, Táýelsizdik jyldarynda qalada dárigerler sany 1991 jylǵy 2205 dárigerden 2021 jyly 4205-ke deıin ósti. 10 myń turǵynǵa shaqqanda dárigerlermen qamtamasyz etý 39,1 (1991j.-27,0) qurady. Júıeli, kadrlyq saıasattyń arqasynda materıalızm men balany qorǵaýǵa basymdyq bere otyryp, Halyqaralyq jobalar boıynsha medıına qyzmetkerleriniń biliktiligin arttyrý múmkindigi paıda boldy. 4000-nan astam medıına qyzmetkeri oqytyldy. Qalanyń barlyq medıınalyq uıymdarynda aqparattyq júıeler engizildi, qaǵazsyz qujat aınalymy engizildi, halyqtyń 100% - ynda elektrondyq densaýlyq pasporty toltyryldy. Jyl saıyn joǵary mamandandyrylǵan tehnologııalar sany ósýde. Shymkenttiń júrek ortalyǵynda ashyq júrekke ota jasalyp, stentter ornatylýda.
