Kelesi jyldyń basynda Mońǵolııada Shyńǵys han murajaıy ashylady. Ony salý týraly sheshimdi el Úkimeti 2019 jyly qabyldady. Bir jarym jyl ishinde 6000-nan astam eskertkishter men artefaktilerdi saqtaýǵa bolatyn murajaı ǵımaraty salyndy, dep habarlaıdy "Adyrna" ulttyq portaly.
Murajaı qyzmetkeriniń aıtýynsha, bul tek Shyńǵyshan murajaıy ǵana emes, sonymen birge onyń esimimen atalǵan Ulttyq mýzeı.
Sonymen qatar, mońǵol sheberleri jasaǵan jańa biregeı eksponattar ornalastyrylady degen qaýeset bar. Murajaıdyń joǵarǵy jaǵynda bıiktigi bes metr altyn jalatylǵan suńqar qoıyldy. Murajaıdyń ishinde bıiktigi úsh metrge jýyq taza altynnan jasalǵan Shyńǵyshan músini ornalasady. Altyn músindi eldiń eńbek sińirgen sýretshisi jáne músinshi L. Bold jasaǵan. Sondaı-aq mońǵol sheberleri mońǵol ımperııasynyń ejelgi astanasy Qaraqorymdy 3D tehnologııasymen jobalaıdy.
Murajaı keńistigine keletin bolsaq, ol Azııada besinshi orynda. Sheneýnikter álemdegi eń úlken murajaıda qoldanylatyn qaýipsizdik júıesi ornatylady deıdi.
Sarapshylardyń pikirinshe, Koreıada 6 mıllıard týgrıkke (2,1 mıllıon dollar) tapsyrys berilgen murajaıdyń áınek vıtrınalary álemdegi eń zamanaýı tehnologııalardy qoldana otyryp jasalǵan murajaılarǵa arnalǵan avtomatty vakýýmdyq tehnologııa bolyp tabylady.
Murajaıdyń Shyǵys qabyrǵasynda Bınder petroglıfterine jazylǵan 1000 — nan astam tańba nemese ejelgi mońǵol taıpalarynyń mórleri, al qasbettiń joǵarǵy jaǵynda Uly Mońǵol haandarynyń mórleri ornalasqan.
"Adyrna" ulttyq portaly
