Kentauda jasöspırım qyzdar töbelesıp, bıreuı auruhanaǧa tüstı. Būl oqiǧa videoǧa tüsıp qalǧan. Kadrda bır qyzdyŋ ekınşısınıŋ şaşynan jūlyp, basynan ūrǧylap jatqanyn köruge bolady. Al videony tüsırıp tūrǧandar ajyratudyŋ ornyna töbelestıŋ körıgın qyzdyryp tūr, dep habarlaidy jergılıktı Otyrar saity.
Atalǧan fakt boiynşa 17 jeltoqsanda Kentau polisiiasyna jäbır körgen qyzdyŋ anasy şaǧymdandy. Onyŋ aituynşa, qyzy köptegen dene jaraqatyn alǧan.
Mälım bolǧandai, joǧary synypta oqityn ekı qyz sözge kelıspei qalǧan. Arty janjalǧa ūlasyp, olar mektep aulasynda jaǧa jyrtysqan.
Oqiǧadan keiın bır qyz auruhanaǧa jetkızıldı.
Polisiia ekı jasöspırımnıŋ ata-anasymen jäne mektep äkımşılıgımen tüsındıru jūmystaryn ötkızdı.
Qazır tergeu amaldary jürgızılıp jatyr.
Töbelestıŋ kadry zaŋger Aigül Orynbektıŋ Facebook-tegı paraqşasynda jariialandy.
"Jasöspırımder arasyndaǧy būzaqylyqty aldyn almasaq, bolaşaqta türmeler el būzarlarǧa tolady! Erlan Tūrǧymbaev myrza jergılıktı polisiia inspektorlary mektepterdı aralap "jastar arasyndaǧy qylmysty aldyn alu baǧytynda" tüsındırme jūmystaryn ötkızu kerek dep oilaimyn", - dep jazdy ol.Zaŋgerdıŋ aituynşa, Türkıstan oblysy, Kentau qalasy №1 -şı mekteptıŋ 8-şı synyp oquşysy jäbırlenuşını bırneşe qyz bolyp asa qatygezdıkpen sabaǧan.
"Barlyǧyn videoǧa tüsırıp tūrǧan. Oqiǧa bolǧan oryn Kentau qalasy 22-şı mekteptıŋ territoriiasy. Qazırgı uaqytta taiaq jegen 14 jastaǧy oquşy qyz Kentau qalalyq auruhanasynyŋ travmatologiia bölımınde jatyr. Qyzdyŋ anasynyŋ aituynşa, därıgerler tiıstı medisinalyq saraptamalardy bermei otyr. Uchaskelık polisiia kelıp şaǧym alǧannan ärı ıs qozǧalmai tūr. Istı jyly japqylary keledı deidı. Mektep äkımşılıgı tarapy ünsız. Qyz mektepke barudan bas tartyp jatyr deidı anasy. Jaqyndary qyzdyŋ psihikalyq jaǧdaiy alaŋdatyp otyrǧanyn aitady", - dep jazdy ol.
“Adyrna” ūlttyq portaly
Ūqsas jaŋalyqtar
