Ūlttyq bank JYMUQAN MUŃAITPASULY. 150 JYL dep atalatyn kolleksiialyq monetalaryn ainalymǧa şyǧarady. Monetalardyŋ satylymǧa şyǧuy turaly QŪB-tyŋ resmi saitynda jariialandy.
Nominaly 100 teŋgelık melhiordan soǧylǧan moneta «Este qalatyn oqiǧalar men bırtuar adamdar» seriiasyn jalǧastyrady. 2021 jyly qazaq baluany jäne sirk ärtısı Qajymūqan Mūŋaitpasūlynyŋ tuǧanyna 150 jyl tolady.
Moneta betınıŋ (aversınıŋ) ortalyq bölıgınde Qazaqstan Respublikasynyŋ Memlekettık eltaŋbasy beinelengen. Eltaŋbanyŋ oŋ jaǧy men sol jaǧynda ūlttyq oiu-örnektıŋ elementterı ornalasqan. Monetany ainaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazu jazylǧan. Tömengı bölıgınde monetanyŋ nominalyn bıldıretın 100 TEŃGE jazuy bar.
Monetanyŋ ekınşı betınde (reversınde) Qajymūqan Mūŋaitpasūlynyŋ suretı, portrettıŋ sol jaǧynda mereitoilyq datany bıldıretın 150 JYL degen jazu, oŋ jaǧynda küres önerınıŋ fragmentı men monetanyŋ şyqqan jylyn bıldıretın «2021» degen jazu, sol jaǧyna qarai monetany ainaldyra QAJYMUQAN MUŃAITPASULY degen jazu ornalasqan.
”Adyrna” ūlttyq portaly
Ūqsas jaŋalyqtar
