Atyrauda iPad-tyŋ magnitın jūtyp, auruhanada köz jūmǧan bır jasar balanyŋ ölımıne qatysty oblystyq balalar auruhanasynyŋ därıgerlerıne sot ükımı şyqty, dep habarlaidy "Adyrna" ūlttyq portaly "Aq Jaiyq" basylymyna sılteme jasap.
№2 sottyŋ baspasöz qyzmetınıŋ mälımetıne süiensek, atalǧan faktı boiynşa Qazaqstan Respublikasy Qylmystyq kodeksınıŋ 317-babynyŋ 3-bölıgımen (Medisina qyzmetkerınıŋ käsıbi mındetterın tiısınşe oryndamauy, adam ölımıne äkep soqtyruy) qylmystyq ıs qozǧaldy. Sotta anyqtalǧandai, sol künı kezekşılıkte bolǧan hirurgter Tıleuǧaliev, Zulqaşev, Adrisov, pediatr Täjǧalieva balaǧa tiıstı medisinalyq kömek körsetpegendıkten, ol qaitys boldy.Sottaluşylardyŋ kınäsı närestenıŋ tuystary men kuägerlerdıŋ aiǧaqtarymen, saraptama qorytyndysymen rastaldy. Atap aitqanda, balanyŋ äjesı Densaulyq saqtau ministrlıgıne jazǧan ötınışınde därıgerlerdıŋ böten zattyŋ deneden tabiǧi jolmen ketetının aityp, ota jasaudan bas tartqanyn aitqan.
Tört aiyptaluşyǧa da 2 jyl 6 ai merzımge bas bostandyǧynan aiyru jazasy taǧaiyndaldy. Negızgı jazaǧa qosymşa jaza taǧaiyndaldy: Zūlqaşevqa 3 jyl, qalǧanyna 2 jyl medisinalyq qyzmetpen ainalysuǧa tyiym salyndy. Sonymen bırge olardyŋ barlyǧy Qazaqstan Täuelsızdıgınıŋ 30 jyldyǧyna orai jariialanǧan raqymşylyqqa säikes, "bas bostandyǧynan aiyru türındegı jazadan bosatyldy, öitkenı olardyŋ ıs-äreketterı auyr emes qylmysqa jatady".Eske salaiyq, 2019 jyldyŋ jeltoqsanynda 11 ailyq näreste batareia jūtyp, qaitys bolǧan.
«Adyrna» ūlttyq portaly.
