Äl-Farabi atyndaǧy Qazaq Ūlttyq universitetınde belgılı jurnalist, Qazaqstannyŋ eŋbek sıŋırgen qairatkerı, «Parasat» ordenınıŋ iegerı Nūrtıleu İmanǧaliūly atyndaǧy oqu-şyǧarmaşylyq zerthana aşyldy, dep habarlaidy "Adyrna" ūlttyq portaly.
Arnaiy auditoriianyŋ aşylu saltanatyna Aqparat jäne qoǧamdyq damu ministrı Aida Balaeva, Äl-Farabi atyndaǧy QazŪU rektory Janseiıt Tüimebaev, Nūrǧali İmanǧaliūlynyŋ otbasy müşelerı, sondai-aq memlekettık jäne kommersiialyq BAQ ökılderı qatysty.
- Bügın Nūrtıleu İmanǧaliūlynyŋ qūrmetıne arnalǧan kezektı ıs-şaranyŋ kuäsı bolyp otyrmyz. Būl – ziialy azamatqa degen qoǧamnyŋ ülken qūrmetın körsetedı, - dedı A.Balaeva.
Aita keteiık, būǧan deiın N.İmanǧaliūly atyndaǧy jurnalistika fakultetınıŋ studentterıne arnalǧan arnaiy bılım beru stependiiasy taǧaiyndalsa, Parlament Senaty «Amanat» baiqauy aiasynda arnaiy premiia taǧaiyndady, sondai-aq televiziia ardagerlerı arasynda voleiboldan turnir ūiymdastyryldy.
N.İmanǧaliūly turaly Ministr A.Balaeva öz sözınde: «Qazaq televiziiasy salasynda özındık mektep qalyptastyra bıldı. Özıne qarap boi tüzegen jas jurnalister qatarynan qanşama buyn şäkırt tärbieledı. Ömırınıŋ soŋǧy ailaryna deiın, auru janyna batyp jürse de, jurnalistikadan ketken joq. Türlı habarlarǧa şyǧyp, oi-pıkırın bıldırıp jürdı. Öz käsıbıne degen adaldyq, jurnalistikaǧa degen qūrmet osylai körınedı, — dedı.
Ärıptesterı men jaqyndary Nūrtıleu İmanǧaliūlyn jyly estelıktermen eske alyp, onyŋ bükıl jasampaz ömırın telejurnalisterdıŋ damuyna arnaǧanyn, jastar redaksiiasynan «Qazaqstan «RTRK» AQ Basqarma töraǧasyna deiıngı ülken eŋbek jolyn jürıp ötkenın atap öttı.
Eŋbek jolynda bırqatar ükımettık nagradalardy, «Qazaqstannyŋ eŋbek sıŋırgen qairatkerı» qūrmettı ataǧyna ie bolyp, «Parasat» ordenımen, «Eren eŋbegı üşın» medalımen, Qazaqstan Respublikasy Prezidentınıŋ Qūrmet gramotasymen marapattalǧan bolatyn.
"Adyrna" ūlttyq portaly
