Jürgen jerımde jazulardyŋ qazaqşasyna qarap jürem. Qoǧamdyq tamaqtanu oryndaryna barǧanda as mäzırınıŋ qazaqşasyn sūratam. Bolmasa, äkımgerın şaqyrtyp, qazaqşasynyŋ boluynyŋ maŋyzdylyǧyn tüsındırem. “Qazaq tılı bızge qajet bolmasa, basqa kımge kerek” degenge saiatyn äŋgıme aityp, namysyn oiatuǧa tyrysam.
Bır künı zaŋger dosym Abzal Qūspan:“Oibai-au, onyŋ jarasy jeŋıl. Tūtynuşylardyŋ qūqyǧyn qorǧau turaly zaŋ bar. Sol zaŋnyŋ pälenbaiynşy babyna säikes, qazaq tılınde qyzmet körsetuge mındettı. Äitpese, sotqa jügınıp, pälenbai aiyppūl saldyruǧa bolady”, - dep keŋes berdı.
Namysqa jügınuden görı, zaŋǧa jügınu ötımdı bolyp şyqty. Talai ret közım jettı.
Künı keşe memleket basşysy "Qazaqstan Respublikasynyŋ keibır zaŋnamalyq aktılerıne körnekı aqparat jäne dıni qyzmet mäselelerı boiynşa özgerıster men tolyqtyrular engızu turaly" Zaŋǧa qol qoidy.
Zaŋǧa säikes, būdan bylai barlyq körnekı aqparat, aitalyq jer-su, köşe ataulary, maŋdaişalar, preiskuranttar, as mäzırı jäne t.b. aldymen qazaqşa, tek qajet bolǧan jaǧdaida basqa tılderde jazylady.
Endıgı jerde “nege qazaq tılınde joq” degen äŋgıme de tyiylatyn boldy dep oilaimyn. Kelesı mäsele qazaq tılındegı aqparattyŋ kalkasyz, tüsınıktı tılmen jazyluyna köŋıl bölıp jürsek.
Şyŋǧys MŪQAN,
Şymkent qalasy äkımınıŋ bırınşı orynbasary
Ūqsas jaŋalyqtar
