Ótken aptanyń senbisinde, 25 jeltoqsanda Qazaq Eli Táýelsizdiginiń 30 jyldyǵy aıasynda Mustafa Shoqaı atyndaǵy №51 mektep-gımnazııasynda Alash qaıratkeri Mustafa Shoqaıdyń ómiri men saıası kúres joldarynan syr shertetin Mustafa Shoqaı murajaıynyń ashylýy ótti, dep habarlaıdy "Adyrna" ulttyq portaly.
Sharaǵa QR Parlamenti Senatynyń depýtaty Nurtóre Júsip , QR Parlamenti Májilisiniń depýtattary Qazybek Isa , Juldyz Súleımenova, qoǵam qaıratkeri, saıası ǵylymdar doktory, professor Ábdijálel Bákir, Nur-Sultan qalasy Tilder basqarmasynyń basshysy Sáken Esirkep, mustafatanýshy ǵalymdar, jýrnalıster, Mustafa Shoqaıdyń urpaqtary, bilim berý salasynyń ókilderi qatysty.
Jınalǵandar Mustafa murajaıyn tamashalap, mustafatanýshy Ábdijálel Bákir murajaıdyń ashylýy týraly arnaıy sóz sóıledi.
Mektep zalynda Mustafa Shoqaıǵa arnalǵan jıyn bolyp, qoıylym men konert ótti.
Alǵashqy bolyp sóılegen belgili aqyn, QR Parlamenti Májilisiniń depýtaty, “Aq jol” partııasy tóraǵasynyń orynbasary Qazybek Isa Mustafa Shoqaıdyń el tarıhyndaǵy erekshe mańyzdy rólin aıshyqty tilmen aıqyndap berdi.
- Ult kósemi, muzbalaq Mustafa Shoqaıdyń Alash jastaryna aıtqan sózi ár qazaq tyńdap júrýi tıis!, - dedi Qazybek Isa.
"Adyrna" ulttyq portaly
