Şymkentte jappai tärtıpsızdık kezınde sauda ortalyǧyn tonaǧandar ūstaldy, dep habarlaidy «Adyrna» tılşısı Polisia.kz-ke sılteme jasap.
«5 qaŋtarda tüngı uaqytta Şymkent qalasynda oryn alǧan jappai tärtıpsızdık kezınde qūqyq būzuşylar «Metro» sauda ortalyǧynyŋ esık-terezelerın syndyryp, zaŋsyz kırgen. Sauda ortalyǧynyŋ ışınen türlı zattar ūrlanǧan. Atalǧan oqiǧa Şymkent qalasy Polisiia departamentı Jedel basqaru ortalyǧynyŋ beinebaqylau kameralaryna tüsken»,– delıngen habarlamada.Oqiǧa Qaratau audanynyŋ Polisiia basqarmasymen sotqa deiıngı tergep-tekserulerdıŋ bıryŋǧai tızılımıne QR Qylmystyq kodeksı 188-babynyŋ 3-bölıgımen (Ūrlyq) tırkeldı. Polisiia qyzmetkerlerımen jedel-ızdestıru ıs-şaralaryn jürgızu barysynda Nūrsat-3 şaǧynaudanynda ornalasqan jaldamaly päterlerdıŋ bırınde oqiǧaǧa qatysy bar degen küdıkpen tört adam anyqtalyp, ūstaldy. Olar 20 jäne 21 jastaǧy Türkıstan oblysynyŋ tūrǧyndary bolyp şyqty. Olardan aiǧaqty zat retınde «Metro» sauda ortalyǧynan ūrlanǧan tauarlar tärkılenıp alyndy. Atalǧan azamattarǧa qatysty küzetpen ūstau türındegı būltartpau şarasy qoldanyldy. Sonymen qatar, Äl-Farabi audany Polisiia basqarmasynyŋ qyzmetkerlerımen jedel ıs-şaralar barysynda sauda ortalyǧynyŋ zattaryn ūrlaǧan taǧy bır 27 jastaǧy azamat ūstaldy. Ol ūrlanǧan zattardy özı jūmys ısteitın kölık juu ornynyŋ demalys bölmesınde jasyrǧan bolyp şyqty. Ūrlanǧan tauarlardan bölek, bölmede erekşe iısı bar zat pen ışınde sary sūiyqtyǧy bar kesılgen plastikalyq bötelke jäne kastet anyqtaldy. https://youtu.be/iNFPs17yoHc
«Adyrna» ūlttyq portaly
