Shymkentte jappaı tártipsizdik kezinde saýda ortalyǵyn tonaǵandar ustaldy, dep habarlaıdy «Adyrna» tilshisi Polisia.kz-ke silteme jasap.
«5 qańtarda túngi ýaqytta Shymkent qalasynda oryn alǵan jappaı tártipsizdik kezinde quqyq buzýshylar «Metro» saýda ortalyǵynyń esik-terezelerin syndyryp, zańsyz kirgen. Saýda ortalyǵynyń ishinen túrli zattar urlanǵan. Atalǵan oqıǵa Shymkent qalasy Polıııa departamenti Jedel basqarý ortalyǵynyń beınebaqylaý kameralaryna túsken»,– delingen habarlamada.
Oqıǵa Qarataý aýdanynyń Polıııa basqarmasymen sotqa deıingi tergep-tekserýlerdiń biryńǵaı tizilimine QR Qylmystyq kodeksi 188-babynyń 3-bóligimen (Urlyq) tirkeldi.
Polıııa qyzmetkerlerimen jedel-izdestirý is-sharalaryn júrgizý barysynda Nursat-3 shaǵynaýdanynda ornalasqan jaldamaly páterlerdiń birinde oqıǵaǵa qatysy bar degen kúdikpen tórt adam anyqtalyp, ustaldy. Olar 20 jáne 21 jastaǵy Túrkistan oblysynyń turǵyndary bolyp shyqty. Olardan aıǵaqty zat retinde «Metro» saýda ortalyǵynan urlanǵan taýarlar tárkilenip alyndy. Atalǵan azamattarǵa qatysty kúzetpen ustaý túrindegi bultartpaý sharasy qoldanyldy.
Sonymen qatar, Ál-Farabı aýdany Polıııa basqarmasynyń qyzmetkerlerimen jedel is-sharalar barysynda saýda ortalyǵynyń zattaryn urlaǵan taǵy bir 27 jastaǵy azamat ustaldy. Ol urlanǵan zattardy ózi jumys isteıtin kólik jýý ornynyń demalys bólmesinde jasyrǵan bolyp shyqty. Urlanǵan taýarlardan bólek, bólmede erekshe ıisi bar zat pen ishinde sary suıyqtyǵy bar kesilgen plastıkalyq bótelke jáne kastet anyqtaldy.
«Adyrna» ulttyq portaly
