Бірқатар ЖОО оқытушыларының еңбекақысы көтерілді

1978
Adyrna.kz Telegram

Мәдениет және өнер саласындағы төрт ЖОО оқытушыларының еңбекақысы көтерілді, деп жазады "Адырна" ұлттық порталы. 

Үкімет бұл туралы тиісті қаулы қабылдады. 2025 жылға дейінгі Халықтың табысын арттыру жөніндегі кешенді жоспарды іске асыру шеңберінде ұйымдық-құқықтық нысанына қарамастан, ерекше мәртебесі бар мәдениет және өнер саласындағы жоғары және (немесе) жоғары оқу орнынан кейінгі білім беру ұйымдары профессор-оқытушылар құрамының лауазымдық еңбекақыларының белгіленген мөлшеріне арттыру коэффициентін ұлғайту (1,75-тен 3,5-ке дейін) көзделген.

Қаулы төрт шығармашылық жоғары оқу орнына қатысты: Т.Қ. Жүргенов атындағы Қазақ ұлттық өнер академиясы, Құрманғазы атындағы Қазақ ұлттық консерваториясы, Қазақ ұлттық өнер университеті және Қазақ ұлттық хореография академиясы.

Қаулы 2022 жылғы 1 қаңтардан бастап қалыптасқан қатынастарға қатысты қолданылады, сондықтан осы жылдың өткен айларының еңбекақысы бойынша қайта есептеу жүргізілетін болады.

"Адырна" ұлттық порталы

Пікірлер