Shymkentte birneshe adamdy óltirdi degen kúdikpen 28 jastaǵy er adam ustaldy. Atalǵan oqıǵa boıynsha, eki adam qaza taýyp, bireýi aýyr jaraqatpen aýrýhanaǵa jetkizildi, dep habarlaıdy "Adyrna" ulttyq portaly «Otyrar» telearnasyna silteme jasap.
Polıııanyń habarlaýynsha, 4 qańtar, saǵat 18:00 shamasynda Abaı dańǵylynyń boıynan denesinde birneshe pyshaq jaraqaty bar 48 jastaǵy er adam tabylyp, ol N1 qalalyq aýrýhanasyna jetkizilgen.
Araǵa ýaqyt salyp 1 mamyr kóshesinde 1984 jyly týǵan er adamnyń máıiti tabyldy. Alaıda jaǵa ustatarlyq oqıǵa munymen aıaqtalǵan joq.
5 qańtar kúni saǵat 12:00 shamasynda Shymkent qalasynyń Eńbekshi aýdanynda taǵy bir er adamnyń máıiti tabyldy.
Sol kúni Táýke han dańǵylynyń boıynda qylmysqa qatysy bar degen kúdikpen 28 jastaǵy azamat ustaldy.
"Kúdikti ustaldy. Asa aýyr qylmys jasaý faktisi boıynsha qylmystyq is qozǵaldy. Tergeý sharalary júrgizilýde. Qajetti saraptamalar taǵaıyndaldy. Tergeý múddesi úshin ózge aqparat jarııa etilmeıdi", - delingen Shymkent qalalyq PD resmı habarlamasynda.
"Adyrna" ulttyq portaly
