Қарағандыда 1 ай бұрын суға батқан балықшының денесі табылды, деп хабарлайды "Адырна" тілшісі.
Төтенше жағдайлар министрлігі мүрдені балықшылардың тауып алғанын мәлімдеді.
1 ай бұрын, 3 ақпанда Молодежный ауылының маңында балық аулау кезінде үш балықшы мінген көлік мұзға түсіп кеткен болатын. Көліктегі екі ер адам сыртқа шығып үлгергенімен, бір балықшы көлік ішінде қалып қойған.
Көлік өзеннен шығарылғанымен суға батқан адам табылмаған.
Кейін ауа райының қолайсыздығына байланысты суға батқан адамды іздеу жұмыстары уақытша тоқтатылған еді.
