Memlekettik qyzmet isteri agenttiginiń ádep jónindegi komıssııasy Qaraǵandy qalasynyń ákiminiń aıtqan sózine qatysty tártiptik isti qarady, dep habarlaıdy "Adyrna" ulttyq portaly.
Meıram Qojyqov áleýmettik jelidegi oqyrmanyna jaýap bergen. Onyń jazǵan pikirine qatysty is materıaldary qaraldy. Buǵan deıin Meıram Qojyqov jelidegi oqyrmanyna "aqyldy bolma" degen pikir qaldyryp, synǵa qalǵan edi.
"Tekserý barysynda Qaraǵandy qalasy ákiminiń áreketi áleýmettik jelilerde azamattardyń synyna sebep bolǵany anyqtaldy. Anyqtalǵan faktiler boıynsha komıssııa ákimge sógis túrindegi tártiptik jaza qoldanýdy usyndy", – delingen habarlamada.
