مەملەكەت باسشىسىنىڭ 10 مىڭ تۇرعىن ءۇشىن كەمىندە 100 تۇراقتى جۇمىس ورنىن اشۋ جونىندە بەرگەن تاپسىرماسىنا سايكەس، سايرام اۋدانىنداعى 87 مىڭنان استام جۇمىس كۇشىنە بيىلعى جىلى 870 ناتيجەلى جۇمىس ورنىن اشۋ كوزدەلۋدە. بۇل تۋرالى بۇگىنگى بريفينگتە سايرام اۋدانىنىڭ اكىمى ۇلاسبەك سادىبەكوۆ مالىمدەدى.
«قازىرگى تاڭدا كاسىپكەرلىك سۋبەكتىلەرى ەسەبىنەن 530 جاڭا جۇمىس ورىندارى اشىلدى. بيىلعى جىلى 6 ينۆەست جوبانى جۇزەگە اسىرۋ ارقىلى 215 جۇمىس ورنىن، سونداي-اق اۋىلدى جەرلەردە وتباسىلىق كاسىپكەرلىكتى دامىتۋ ارقىلى 214 جۇمىس ورنىن قۇرۋ جوسپارلانۋدا» - دەدى ۇلاسبەك سادىبەكۇلى.
وتكەن جىلى اۋدان كولەمىندە «ەڭبەك» مەملەكەتتىك باعدارلاماسىنا جالپى 10 491 ادام قاتىسىپ، 6 973 ادام تۇراقتى جانە ۋاقىتشا جۇمىسپەن قامتىلعان.
سونىمەن قاتار، 2021 جىلى از قامتىلعان 4 336 وتباسىنا 926,2 ملن تەڭگەگە اتاۋلى الەۋمەتتىك كومەك بەرىلىپ، 3 606 بالاعا 189,2 ملن تەڭگە كەپىلدەندىرىلگەن الەۋمەتتىك پاكەت ۇسىنىلدى. اۋدان كولەمىندە كەدەيشىلىك دەڭگەيى سوڭعى ءۇش جىلدىڭ ناتيجەسىندە 2019 جىلعى 34,8%-دان 2021 جىلى 10,3%-عا تومەندەگەن. 2022 جىلعا تۇرمىس جاعدايى تومەن دەپ تانىلعان 77 وتباسىنا كومەك كورسەتىپ، ونىڭ ىشىندە 3 وتباسىن تۇرعىن ۇيمەن قامتۋ كوزدەلۋدە
تۇركىستان وبلىسىنىڭ وڭىرلىك كوممۋنيكاتسيالار قىزمەتى
