Unico Play «قارا بەكىرە» اتتى كەڭ اۋقىمدى قازاقستاندىق تەلەحيكايا ءتۇسىرىپ جاتىر. بۇل جوبا وتاندىق كينەماتوگرافياعا دەگەن كوزقاراستى تۇبەگەيلى وزگەرتۋى مۇمكىن. فورت-شەۆچەنكونىڭ قاتال تابيعاتى مەن اقتاۋدىڭ وندىرىستىك كولوريتى — كاسپي ماڭىنداعى الەۋمەتتىك جانە ەكولوگيالىق ماسەلەلەردى كۇن تارتىبىنە قوياتىن شيەلەنىستى وقيعانىڭ باستى الاڭىنا اينالادى.
سوڭعى زەرتتەۋلەرگە سايكەس، كاسپي تەڭىزى تارتىلىپ، سۋدىڭ دەڭگەيى 70 سم-گە ءتۇسىپ كەتكەن، ال كەيبىر جەرلەرىندە 50 شاقىرىمعا جۋىق تەڭىز تابانى قۇرلىققا اينالعان. بۇل وزگەرىس ءوڭىردىڭ بيوالۋاندىعى مەن تىرشىلىگىنە ۇلكەن قاۋىپ توندىرۋدە. بەكىرە، بەلۋگا، ورىس جانە جۇلدىزشا بەكىرە بالىقتارىنىڭ پوپۋلياتسياسى شامادان تىس اۋلاۋ مەن تابيعي مەكەنىنىڭ بۇزىلۋى سالدارىنان 90%-دان استامعا ازايعان. بۇل دەرەكتەرگە تۇسىنىكتەمە بەرۋدىڭ قاجەتى شامالى*. ەندى پروبلەمانى ەكران ارقىلى كوپشىلىككە كورسەتەتىن ۋاقىت كەلدى.
اعايىن مەن تابيعات تۋرالى دراما
ون جىل تۇرمەدە وتىرعان نۇربول 2012 جىلى تۋعان جەرى — اقتاۋعا ورالادى. بىراق شىندىقتى ەستىگەندە توبە شاشى تىك تۇرادى: ءىنىسى ازات قارا ۋىلدىرىقپەن اينالىساتىن براكونەرلىك توپتىڭ مۇشەسى. نۇربول تۋعان باۋىرىن قۇتقارۋ ءۇشىن تاعى دا قىلمىس كەڭ تارالعان جانە ادام قولىنان ۋلانعان سۋ استى الەمىنە كىرۋگە ءماجبۇر بولادى. مۇندا ادامدار ءوز-وزىمەن عانا ەمەس، تابيعاتتىڭ ءوزى — ادام قولىنان جارالعان ستيحيامەن كۇرەسەدى.
الەۋمەتتىك سالماق پەن جانرلىق ۇيلەسىم
«قارا بەكىرە» — بۇل قاراپايىم قىلمىستىق ساگا ەمەس. بۇل تەلەحيكايادا وتباسى ىشىندەگى ەموتسيونالدى قاقتىعىس پەن قازاقستاندىق «شىعىس ۆەستەرن» توعىسادى. مۇندا وتباسىلىق بايلانىستىڭ ءۇزىلۋى، ەكولوگيالىق اپات، براكونەرلىك جانە قىلمىستىڭ ءورشۋى سياقتى تاقىرىپتار كوتەرىلەدى — جانە وسىنىڭ بارلىعى ادامنىڭ ءوزى سەبەپ بولعان اپات اياسىندا ءوربيدى.
تاجىريبەلى ماماندار مەن جاڭا تالانتتاردان قۇرالعان توپ
رەجيسسۋرانى بەرىك جاحانوۆ ەسىمدى مىقتى جاس دارىن قولعا العان. ال جوبانىڭ باس پروديۋسەرلەرىنىڭ ءبىرى — انارا جۋنۋسوۆا.
«بۇل جاي عانا سەريال ەمەس — بۇل جان ايقايى. ءبىز شىنايى ادامدار تۋرالى، شىنايى كاسپي تۋرالى جانە شىنايى قيىنشىلىقتار تۋرالى ايتامىز. بۇل تەلەحيكايادا تەڭىز — جاي عانا فون ەمەس، بۇل — ءتىرى كەيىپكەر. ءبىز وسى كەيىپكەرلەردەن ادامدار ءوزىن تانىعانىن قالايمىز»، — دەيدى باس پروديۋسەر انارا جۋنۋسوۆا.
جوبا قازاقستاندىق كينوعا جاڭا ەسىمدەر سىيلاماق. Unico Play كومانداسى قاشاندا تانىمال جۇلدىزدارعا عانا ەمەس، تالانتتى جاڭا اكتەرلەرگە دە مۇمكىندىك بەرۋدى ماقسات ەتەدى.
ء«بىزدىڭ ماقساتىمىز — جاي عانا كينو ءتۇسىرۋ ەمەس، كورەرمەننىڭ جۇرەگىنە جەتەتىن، شىنايى دۇنيە جاساۋ. سول ءۇشىن تاجىريبەسى مول اكتەرلەردى دە، جاڭا تالانتتاردى دا شاقىرامىز. كورەرمەن ەكراننان دامير امانگەلدين، اقجول پريمبەتوۆ، الماگۇل ساعىندىق سياقتى كوپشىلىككە جاقسى تانىس ەسىمدەرمەن بىرگە جاڭا كەيىپكەرلەردى كورگەندە، بۇل ءاردايىم قىزىقتىرىپ، باۋراپ الادى. مۇنداي جاڭا تىنىس وقيعاعا دا، جالپى
سەريال تۇسىرىلىمىندەگى ەڭ كۇردەلى سىناقتاردىڭ ءبىرى — اشىق تەڭىزدەگى كورىنىستەر بولدى.
«اقتاۋ مەن ماڭعىستاۋ وبلىسى تۇرعىندارىنا ءبىزدى جىلى قابىلداپ، كومەك كورسەتكەندەرى ءۇشىن العىس ايتامىز. تۇرعىندار بارىنشا ءبىزدى قولداپ، كەرەك كەزدە قول ۇشىن بەرگەندەرىنىڭ ارقاسىندا ءتۇسىرىلىمنىڭ سۋ استىنداعى ەڭ قيىن ەكشن ساحنالارى ەش كەدەرگىسىز ءوتتى. كاسپي تەڭىزىن ەرەكشە اتاپ وتكىم كەلەدى – جۇمىس بارىسىندا اۋا-رايى بۇزىلىپ، ءتۇسىرىلىم كۇندەرى كەيىنگە شەگەرىلگەن جوق. تابيعاتتىڭ وسى ءبىر سىيىن جاقسىلىقتىڭ نىشانى، ساتتىلىكتىڭ بەلگىسى دەپ قابىلدادىق»، - دەيدى جوبانىڭ پروديۋسەرى اننا چەكيرتوۆا.
وسى جوبا ءۇشىن ارنايى تانىمال ماماندار شاقىرىلدى. ولاردىڭ ىشىندە «Qash»، «جانىم، سەنبەيسىڭ!»، «كەلينكا سابينا» سىندى جوبالارمەن تانىلعان قازاقستاندىق وپەراتور ازامات دۋلاتوۆ جانە «گولياف»، «دالا قاسقىرى»، «نۋلەۆىە» فيلمدەرى ارقىلى تانىمال قويۋشى-سۋرەتشى ەرمەك ۋتەگەنوۆ بار. تۇسىرىلىمدە سۋاستى كامەرالارى، تابيعي جارىق، سونداي-اق اكتەرلەرگە ەكسترەمالدى جاعدايدا جۇمىس ىستەۋگە مۇمكىندىك بەرەتىن بارلىق ساقتىق شارالارى قولدانىلۋدا. مۇنداي ءتاسىل كورەرمەندى شىنايى ءارى اسەرلى اتموسفەراعا ەلىتىپ اكەتەتىن كوركەم ورتا جاسايدى.
انىقتاما
سەريال: «قارا بەكىرە»
ءوندىرۋشى كومپانيالار: Unico Play, Taurus Asia production
جانر: الەۋمەتتىك دراما، ەكودراما
باس پروديۋسەرلەر: انارا جۋنۋسوۆا، ۆاسيلي كۋتسەنكو، يرينا سوسنوۆايا، بەكسۇلتان قازىبەك
پروديۋسەر: اننا چاكيرتوۆا
اتقارۋشى پروديۋسەر: جانارا تۋرپاتوۆا
قويۋشى رەجيسسەر: بەرىك جاحانوۆ
يدەيا اۆتورلارى: انارا جۋنۋسوۆا، دياس بەرتيس
ستسەناري اۆتورلارى: ەلەنا ليساسينا، نۇربول ەربولۇلى، قۋانىش ستاحانوۆ، الەن راحمەتاليەۆ، رايىمبەك ءالجانوۆ، دارحان وسپانوۆ، ايدوس كەماديلداەۆ، اسەل قادىرسەيىت
باستى رولدەردە: دامير امانگەلدين، ەلدوس شايكەنوۆ، ماقسات راحمەت، الماگۇل ساعىندىق، مەيىرعات امانگەلدين، اقجول پريمبەتوۆ، بولات ۇزاقوۆ، ءادىلجان شومبالوۆ، ايدار كاريمباەۆ، سىرىم قاشقاباەۆ، مەرەي ماكاجان، الەكسەي شەمەس
قىسقاشا سينوپسيس:
ون جىل تۇرمەدە وتىرعان نۇربول اقتاۋعا قايتا ورالىپ، جاڭا ءومىر باستاپ، ءىنىسى ازاتپەن تاتۋلاسقىسى كەلەدى. الايدا بۇل وڭاي بولمايدى. ويتكەنى ازات براكونەرلىك توپتىڭ بەلسەندى مۇشەسى، ونىڭ جەتەكشىسى — نۇربولدىڭ بۇرىنعى دوسى قايرات. ازات اعاسىن اكەسىنىڭ ءولىمى ءۇشىن كىنالايدى.
كاسپيدىڭ تارتىلۋى مەن بالىق شارۋاشىلىعىنا تالاس فونىندا قىلمىستىق توپتار اراسىندا قاقتىعىس ءورشي تۇسەدى. قايراتتىڭ قارسىلاستارى — ساپاردىڭ توبى ازاتتى تۇتقىنعا العان سوڭ، نۇربول ونى قۇتقارۋ ءۇشىن قىلمىستىق الەمگە قايتا كىرەدى.
سونىمەن قاتار، بالىق ينسپەكتورى ماليكا براكونەرلەرگە قاتىستى اۋقىمدى جەمقورلىق سحەماسىن تەرگەپ جاتىر. كۇتپەگەن جەردەن ونىڭ جولى نۇربولمەن توعىسادى، ولاردىڭ اراسىندا سەزىم پايدا بولادى — بىراق ماليكا ونىڭ كىم ەكەنىن بىلمەيدى.
