اسكەردە مۇگەدەك بولىپ قالعان مەرزىمدى اسكەري قىزمەتشى ەربايان مۇحتار ارنايى ۇشاقپەن ستامبۋلعا ەمدەلۋگە جونەلتىلدى، دەپ حابارلايدى “ادىرنا” ۇلتتىق پورتالى Orda.kz-كە سىلتەمە جاساپ.
دەنساۋلىق ساقتاۋ مينيسترلىگىنىڭ مالىمەتىنشە، شەتەلگە جىبەرۋ تۋرالى شەشىمدى ارنايى كوميسسيا قابىلداعان. تۇركيادا ەربايانعا نەيرومودۋلياتورلىق تەراپيا جانە قولداۋشى ەمدەۋ كۋرسى جۇرگىزىلەدى.
«ەربايان بۇعان دەيىن الماتى مەن استانانىڭ اۋرۋحانالارىندا ەمدەلگەن، سونداي-اق 2024 جىلعى تامىزدان 2025 جىلعى قاڭتارعا دەيىن تۇركيادا بولعان. قايتىپ كەلگەننەن كەيىن قازاقستانداعى دارىگەرلەردىڭ باقىلاۋىندا بولعان»، — دەپ حابارلادى دەنساۋلىق ساقتاۋ مينيسترلىگىندە.
تۇركياعا جەتكىزۋ ءىىم دارىگەرلەرىنىڭ باقىلاۋىمەن جۇرگىزىلدى، ناۋقاستىڭ جاعدايى تۇراقتى. ول تراحەوستوما ارقىلى دەم الادى.
ەربايان 2023 جىلدىڭ سوڭىندا اسكەردە باس ميىنا زاقىم كەلگەننەن كەيىن كوماعا تۇسكەن. وتباسى ونىڭ سوققىعا جىعىلعانىن ايتادى، ال اسكەري ءبولىم ونى تۇرمىستىق وقيعا دەپ اتاعان.
