تارازدا 14 جاستاعى وقۋشى قىز ءوز-وزىنە قول جۇمسادى. وقيعا ورنىنا جەتكەن جەدەل جاردەم قىزدى قۇتقارىپ قالا المادى، دەپ حابارلايدى «ادىرنا» ءتىلشىسى Kazinform اگەنتتىگىنە سىلتەمە جاساپ.
قايعىلى جاعداي 23 قىركۇيەكتە بولعان. اناسى ءبىراز ۋاقىتقا ۇيدەن شىعىپ كەتكەندە، قىزى قورادا اسۋلى كۇيدە تابىلعان. وقيعا ورنىنا كەلگەن دارىگەرلەر ونىڭ كوز جۇمعانىن راستادى.
№26 ورتا مەكتەپتىڭ 9-سىنىپ وقۋشىسىنىڭ مۇنداي قادامعا نە ءۇشىن بارعانى بەلگىسىز. قازىر پوليتسيا قاجەتتى تەرگەۋ امالدارىن جۇرگىزىپ جاتىر. اتالعان فاكتى بويىنشا قر قىلمىستىق كودەكسىنىڭ 105-بابى، 3-بولىگى ء(«وزىن-ءوزى ولتىرۋگە يتەرمەلەۋ») بويىنشا قىلمىستىق ءىس قوزعالدى.
ايتا كەتەيىك، قازا بولعان قىز – سوڭعى ەكى ايدا وڭىردە ومىرىمەن قوش ايتىسقان جەتىنشى بالا. وبلىستىق ءبىلىم باسقارماسى بۇل جاعدايعا بايلانىستى وبلىستىق پسيحولوگيالىق قولداۋ ورتالىعىنىڭ جۇمىس توبى قۇرىلعانىن مالىمدەدى.
«وتباسىعا قاجەتتى پسيحولوگيالىق كومەك كورسەتىلدى. ايتا كەتۋ كەرەك، مارقۇم ەشقانداي ەسەپتە تۇرماعان، ۇلگەرىمى جاقسى بولعان، سابىرلى، اينالاسىنداعىلارمەن جاقسى قارىم-قاتىناستا بولعان. ءتارتىپ بۇزۋ فاكتىلەرى تىركەلمەگەن»،– دەلىنگەن حابارلامادا.
ەسكە سالا كەتەيىك، جاز ايلارىندا جامبىل وبلىسىندا بىرنەشە كۇن ايىرماشىلىقپەن تۇيمەكەنت پەن ديحان بايزاق اۋداندارىنداعى اۋىلداردا 2 ءجاسوسپىرىم، سونداي-اق تاراز قالاسىندا ءبىر بالا ءوز-وزىنە قول جۇمساعان ەدى.
