شىمكەنتتە مەكتەپ وقۋشىسىنىڭ قولىنا قالام تىعىپ العان مۇعالىم جۇمىستان شىعارىلمايدى، دەپ حابارلايدى “ادىرنا” ۇلتتىق پورتالى Otyrar.kz سايتىنا سىلتەمە جاساپ.
ءبىلىم باسقارماسى مالىمەتىنشە، مۇعالىم ابايسىزدا بالانىڭ قولىنا ۇشكىر قالامدى تيگىزىپ العان، سوندىقتان №69 مەكتەپتە سىنىپ جەتەكشىسى قىزمەتىن جالعاستىرادى.
"وقيعا ساعات 14:45-تە №69 مەكتەپتىڭ 5 "ج" سىنىبىندا ءۇزىلىس كەزىندە بولعان. مۇعالىم بالالاردىڭ قالاي توبەلەسىپ جاتقانىن كورىپ، ولاردى اجىراتۋعا كەلگەن. سول كەزدە قولىندا قالام بولعان، ونى ابايسىزدا جولبارىسقا تيگىزىپ العان. سىنىپ جەتەكشىسى جانە زارداپ شەككەن بالانىڭ اتا-اناسىمەن تۇسىندىرمە اڭگىمە جۇرگىزىلدى. مۇعالىمگە قاتىستى تارتىپتىك شارا قولدانىلدى، مەكتەپتە جۇمىس جالعاسادى", - دەدى قالا اكىمدىك وكىلدەرى.
"مۇعالىممەن حات الماستىق، وعان بىردەن جازدىم. "نەگە دجينسى شالبار ءۇشىن بۇلاي ىستەدىڭىز، مۇنى وزىمە ايتساڭىز بولار ەدى عوي؟" دەدىم. ول: "نە ايتىپ تۇرسىز، مەن جاي ىستەدىم عوي". بۇلاي بولادى دەپ ويلاماپپىن. كەشىرىڭىز، دەدى", - دەيدى اناسى جۇلدىز ايتماحانبەتوۆا.
بالانىڭ اناسى پوليتسياعا ارىز جازعان. وسى كۇندەردەن باستاپ مۇعالىمنىڭ تۋىستارى ۇيىنە كەلە باستاعان. ايەلدەن تاتۋلاسۋدى سۇراپ، بولماسا مۇعالىم ءوز-وزىنە قول جۇمسايدى دەپ قورقىتقان.
"بۇل اقپاراتتى قاراتۇز اۋداندىق پوليتسيا باسقارماسىنىڭ قىزمەتكەرلەرى تىركەگەنىن حابارلايمىز. وقۋشىعا سوت-مەديتسينالىق ساراپتاما تاعايىندالدى. قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەرگەۋ ءىس-شارالارى جۇرگىزىلىپ جاتىر", - دەدى شىمكەنت پوليتسيا دەپارتامەنتى وكىلدەرى.
كەيىن ايەل ارىزىن قايتارىپ العانى بەلگىلى بولدى.
