Şymkentte mektep oquşysynyŋ qolyna qalam tyǧyp alǧan mūǧalım jūmystan şyǧarylmaidy, dep habarlaidy “Adyrna” ūlttyq portaly Otyrar.kz saityna sılteme jasap.
Bılım basqarmasy mälımetınşe, mūǧalım abaisyzda balanyŋ qolyna üşkır qalamdy tigızıp alǧan, sondyqtan №69 mektepte synyp jetekşısı qyzmetın jalǧastyrady.
"Oqiǧa saǧat 14:45-te №69 mekteptıŋ 5 "J" synybynda üzılıs kezınde bolǧan. Mūǧalım balalardyŋ qalai töbelesıp jatqanyn körıp, olardy ajyratuǧa kelgen. Sol kezde qolynda qalam bolǧan, ony abaisyzda Jolbarysqa tigızıp alǧan. Synyp jetekşısı jäne zardap şekken balanyŋ ata-anasymen tüsındırme äŋgıme jürgızıldı. Mūǧalımge qatysty tärtıptık şara qoldanyldy, mektepte jūmys jalǧasady", - dedı qala äkımdık ökılderı.
Būl rette zardap şekken balanyŋ anasy synypta eşqandai janjal bolmaǧan dep sendıredı. Onyŋ üstıne, mūǧalım öz äreketın bırden moiyndap, soqqynyŋ küşın eseptemei qalǧanyn, balalar arasynda kikıljıŋ turaly äŋgıme bolmaǧanyn aitty.
"Mūǧalımmen hat almastyq, oǧan bırden jazdym. "Nege djinsy şalbar üşın būlai ıstedıŋız, mūny özıme aitsaŋyz bolar edı ǧoi?" dedım. Ol: "Ne aityp tūrsyz, men jai ıstedım ǧoi". Būlai bolady dep oilamappyn. Keşırıŋız, dedı", - deidı anasy Jūldyz Aitmahanbetova.Balanyŋ anasy polisiiaǧa aryz jazǧan. Osy künderden bastap mūǧalımnıŋ tuystary üiıne kele bastaǧan. Äielden tatulasudy sūrap, bolmasa mūǧalım öz-özıne qol jūmsaidy dep qorqytqan.
"Būl aqparatty Qaratūz audandyq Polisiia basqarmasynyŋ qyzmetkerlerı tırkegenın habarlaimyz. Oquşyǧa sot-medisinalyq saraptama taǧaiyndaldy. Qazırgı uaqytta oqiǧanyŋ barlyq män-jaiyn anyqtauǧa baǧyttalǧan tergeu ıs-şaralary jürgızılıp jatyr", - dedı Şymkent Polisiia departamentı ökılderı.Keiın äiel aryzyn qaitaryp alǧany belgılı boldy.
Ūqsas jaŋalyqtar
