مەملەكەت باسشىسى قاسىم-جومارت توقاەۆ ميانما پرەزيدەنتىنىڭ مىندەتىن اتقارۋشى مين اۋن حلاينمەن كەلىسسوز جۇرگىزدى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا قوس ەل اراسىنداعى ىنتىماقتاستىقتى كەڭەيتۋ ماسەلەلەرى تالقىلاندى.
قاسىم-جومارت توقاەۆ ميانما باسشىسىن ىلتيپاتپەن قارسى الىپ، ونىڭ استاناعا ساپارى ەكىجاقتى بايلانىستارعا جاڭا سەرپىن بەرەتىنىنە سەنىم ءبىلدىردى. پرەزيدەنت ميانمانىڭ بىرەگەي مادەنيەتى مەن ءداستۇرىن، سونداي-اق ەلدىڭ گەوستراتەگيالىق ماڭىزىن اتاپ ءوتتى.
كەزدەسۋدە اۋىل شارۋاشىلىعى، كولىك-لوگيستيكا، قارجى، ءىت جانە تسيفرلاندىرۋ سالالارىنداعى ىقپالداستىق مۇمكىندىكتەرى قاراستىرىلدى. قازاقستاننىڭ ەۋرازياداعى ترانزيتتىك حاب رەتىندەگى رولىنە توقتالعان مەملەكەت باسشىسى ء«بىر بەلدەۋ، ءبىر جول»، سولتۇستىك – وڭتۇستىك جانە ورتا ءدالىز باعىتتارىن دامىتۋعا بەلسەندى قاتىسىپ جاتقانىن ايتتى. وسى ورايدا ەكى ەل اراسىنداعى كولىك بايلانىسىن ورناتۋدىڭ وزەكتىلىگى ەرەكشە اتالدى.
سونىمەن قاتار قاسىم-جومارت توقاەۆ قازاقستاننىڭ ۇلتارالىق جانە كونفەسسياارالىق كەلىسىم ساياساتى تۋرالى مالىمەت بەردى. اتاپ ايتقاندا، «بىرلىگىمىز – ارالۋاندىقتا» قاعيداتى، تولەرانتتىلىق ءداستۇرى جانە الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋ تاجىريبەسى تۋرالى ايتتى.
مين اۋن حلاين قازاقستان باسشىسىنا قوناقجايلىق كورسەتكەنى ءۇشىن العىس ايتىپ، ورتاق مۇددەلەرگە ساي باعىتتار بويىنشا ءوزارا ءتيىمدى ىنتىماقتاستىق ورناتۋعا دايىن ەكەنىن راستادى.
