Memleket basşysy Qasym-Jomart Toqaev Mianma Prezidentınıŋ mındetın atqaruşy Min Aun Hlainmen kelıssöz jürgızdı, dep habarlaidy "Adyrna" ūlttyq portaly.
Kezdesu barysynda qos el arasyndaǧy yntymaqtastyqty keŋeitu mäselelerı talqylandy.
Qasym-Jomart Toqaev Mianma basşysyn ıltipatpen qarsy alyp, onyŋ Astanaǧa sapary ekıjaqty bailanystarǧa jaŋa serpın beretınıne senım bıldırdı. Prezident Mianmanyŋ bıregei mädenietı men dästürın, sondai-aq eldıŋ geostrategiialyq maŋyzyn atap öttı.
Kezdesude auyl şaruaşylyǧy, kölık-logistika, qarjy, IT jäne sifrlandyru salalaryndaǧy yqpaldastyq mümkındıkterı qarastyryldy. Qazaqstannyŋ Euraziiadaǧy tranzittık hab retındegı rölıne toqtalǧan Memleket basşysy «Bır beldeu, bır jol», Soltüstık – Oŋtüstık jäne Orta dälız baǧyttaryn damytuǧa belsendı qatysyp jatqanyn aitty. Osy oraida ekı el arasyndaǧy kölık bailanysyn ornatudyŋ özektılıgı erekşe ataldy.
Sonymen qatar Qasym-Jomart Toqaev Qazaqstannyŋ ūltaralyq jäne konfessiiaaralyq kelısım saiasaty turaly mälımet berdı. Atap aitqanda, «Bırlıgımız – äraluandyqta» qaǧidaty, toleranttylyq dästürı jäne Älemdık jäne dästürlı dınder köşbasşylarynyŋ Sezın ötkızu täjıribesı turaly aitty.
Min Aun Hlain Qazaqstan basşysyna qonaqjailyq körsetkenı üşın alǧys aityp, ortaq müddelerge sai baǧyttar boiynşa özara tiımdı yntymaqtastyq ornatuǧa daiyn ekenın rastady.
