2023 جىلدىڭ 17 قاراشاسىندا استانا قالاسىندا قازاق ونەرىنە جاڭا لەپ الىپ كەلگەن «Jan» يممەرسيۆتى تەاترىنىڭ تۇساۋى كەسىلگەنى بەلگىلى. ب.سارىباي جازىپ، وسى جولداردىڭ اۆتورى ينتسەنيروۆكالاعان، ر.اليشەۆ ساحنالاعان ء«ولىارا» ليريكالىق كومەدياسى اتالمىش جاس تەاتردىڭ تۇڭعىش قويىلىمى بولدى.
سول كۇنى كىل «سەن تۇر، مەن اتايىن» دەيتىن تالانتتى قىز-جىگىتتەردىڭ اراسىندا ءبىر جاس قىز ەرەكشە اكتەرلىك ونەرىمەن كوزىمە وتتاي باسىلدى. ول سول كەزدەگى قازاق ۇلتتىق ونەر ۋنيۆەرسيتەتىنىڭ «دراما تەاتر جانە كينو اكتەرى» ماماندىعىنىڭ 3 كۋرس ستۋدەنتى سايلاۋبەك بايان بولاتىن. ساحناداعى كومەديا باياننىڭ قاسىنداعى قۇربىسىمەن ايتاتىن وسەگىنەن باستالاتىن. قاراپايىم عانا اۋىل وسەكشى ايەلىنىڭ بەينەسى. كورەرمەندى ەرىكسىز كۇلكىگە باتىرعان كىشىگىرىم كورىنىس قالىڭ جۇرتشىلىقتىڭ كوڭىلىن بىردەن تاپتى. ودان كەيىنگى ساحنالاردا بايان قاتال، تالاپشىل ورىس ءتىلى مۇعالىمى ابايدىلدانوۆا رولىمەن شىققان كەزدە، ءار كورۋشىنىڭ ويىنا ءبىر-ءبىر سۇستى مۇعالىمدەرى ەسكە ءتۇستى. ياعني، بايان ءوز كەيىپكەرى ارقىلى جۇرتشىلىقتىڭ ەسىنە وسىنى ءتۇسىرتتى.
سپەكتاكلدەن كەيىن ينتسەنيروۆكا اۆتورى رەتىندە اق تىلەگىمدى بىلدىرگەنىم بار-دى. باياننىڭ دا، قۋانىپ، مارقايىپ قالعانى دا، كوز الدىمدا. مەن باياندى-ءرول تۋدىرشى اكتريسا دەر ەدىم. ويتكەنى، ول قاي تۇلعا بولماسىن، ءتىپتى، كوپشىلىك ساحنانىڭ وزىندە ءوز-وزىنە ءرول، ماقساتتى بەينە جاساي الاتىن اكتريسا. سوزىمىزگە، جوعارى دا، اتالعان ء«ولىارا» ليريكالىق كومەدياسىنداعى قاھارماندارى دالەل. بۇنداي مامان بۇگىنگى تاڭداعى ونەر الەمىنە اۋاداي قاجەت. ك.ستانيسلاۆسكيدىڭ: «كىشكەنتاي ءرول بولمايدى، كىشكەنتاي اكتەر بولادى» دەگەن ءسوزى بايانعا ايتىلعانداي. باياننىڭ ساحناداعى تەمپوريتمى، قايرات-جىگەرى ونەر سۇيەر قاۋىمدى تاڭقالدارماي قويمايدى. جاقىندا عانا تۇساۋى كەسىلگەن «تاقيالى پەرىشتە» مۋزىكالىق كومەدياسى از عانا ۋاقىتتىڭ ىشىندە حالىق جۇرەگىنە جەتتى.
ال سونداعى التىنشاش بەينەسىندەگى باياننىڭ مىنەز-قۇلقىنا، شيەلەنىستىرۋنە سۇيسىنبەۋ مۇمكىن ەمەس. بايان-التىنشاش-ول ءوز ادامىڭ كۇتىپ جۇرگەن كەيىپكەر. ونىڭ «وتباسى» دەيتىن كەمەگە كاپيتانىمەن بىرگە جۇزگىسى كەلەدى. بىراق، كەمەگە يەلىك ەتەتىن كاپيتانىڭ ۇزاق توسادى. ءسويتىپ، تايلاقتان جىلۋ، ماحاببات كۇتەدى. بىراق، «سەزىم» اتتى قۇبىلىس التىنشاشتىڭ قالاۋىن ورىندامايدى. بايان-التىنشاش-اينالادان جىلۋلىق ىزدەپ جۇرگەن جان. ونىڭ ىشكى جان-دۇنيەسىندە تازالىق، كىرشىكسىز ادالدىق جاتىر. بىراق، ماحابباتى ءۇشىن كۇرەسۋ كەرەك، تايلاقتان ايىرىلماۋ كەرەك. مىنە، بايان-التىنشاش وسىنى جاقسى تۇسىنگەن. تەاتر تىلىمەن ايتقاندا كەيىپكەردىڭ «مىنەز-قۇلقىن» بەرە الدى. بۇل جاس اكتريسا بايان سايلاۋبەكتىڭ ءوزىن «ونەر الەمىندە» دالەلدەۋى دەپ بىلەمىن! بايان-الۋمپۋلاسى تەرەڭ اكتريسا. ونىڭ ىشكى قۇبىلىسىندا سان مىڭداعان مىنەزدى جاندار استاسىپ جاتىر. باياننىڭ بولاشاعى ەڭلىك، كاتارينا، ماقپال، پامەللا، اركادينا، تولعاناي سىندى قاھارماندارمەن تولىعادى دەپ سەنەمىن! بايان، ونەرىڭ ورگە ءجۇزسىڭ! باياننىڭ باياندى بەينەلەرى تولاستاماسىن!
باحتيار تۇرسىن
تەاترتانۋشى
