استانا قالاسىندا 28 قاڭتاردا OrdaMed كومپانياسىنىڭ باسشىسى ەركىن دلىمبەتوۆكە ىزدەۋ جاريالاندى، دەپ حابارلايدى "ادىرنا" ۇلتتىق پورتالى.
بۇل تۋرالى باس پروكۋراتۋرانىڭ قۇقىقتىق ستاتيستيكا جانە ارنايى ەسەپتەر پورتالىندا حابارلاندى.
ۇقك OrdaMed اق-داعى مەديتسينالىق قۇرال-جابدىقتاردى جالعان ءوندىرۋ سحەماسىن انىقتاعان ەدى. كومپانيا باسشىلىعى قازاقستاندا ءوز ءوندىرىسى بار ەكەنى جونىندە جالعان قۇجاتتاردى پايدالانىپ، مەملەكەتتىك مەديتسينالىق مەكەمەلەرگە 28 اتاۋلى مەديتسينالىق جابدىقتى جەڭىلدىكتى جەتكىزۋگە قۇقىقتىق پرەفەرەنتسيالار العان.
الايدا ءىس جۇزىندە دايىن جابدىق شەتەلدەن جەتكىزىلگەن. ناتيجەسىندە مەملەكەتكە 4,5 ميلليارد تەڭگە زيان كەلگەن. سوت سانكتسياسىمەن كومپانيانىڭ تەحنيكالىق ديرەكتورى، بۇرىنعى باسشىسى جانە وندىرىستىك باسقارما باستىعى قاماۋعا الىنعان.
ەركىن دلىمبەتوۆ 2006–2022 جىلدار ارالىعىندا OrdaMed توپتارىنىڭ نەگىزىن قالاۋشى جانە ديرەكتورلار كەڭەسىنىڭ توراعاسى، ال 2022 جىلدان بەرى او OrdaMed-ءتىڭ باسقارما توراعاسى بولىپ كەلەدى.
