Astana qalasynda 28 qaŋtarda OrdaMed kompaniiasynyŋ basşysy Erkın Dlımbetovke ızdeu jariialandy, dep habarlaidy "Adyrna" ūlttyq portaly.
Būl turaly Bas prokuraturanyŋ qūqyqtyq statistika jäne arnaiy esepter portalynda habarlandy.
ŪQK OrdaMed AQ-daǧy medisinalyq qūral-jabdyqtardy jalǧan öndıru shemasyn anyqtaǧan edı. Kompaniia basşylyǧy Qazaqstanda öz öndırısı bar ekenı jönınde jalǧan qūjattardy paidalanyp, memlekettık medisinalyq mekemelerge 28 atauly medisinalyq jabdyqty jeŋıldıktı jetkızuge qūqyqtyq preferensiialar alǧan.
Alaida ıs jüzınde daiyn jabdyq şetelden jetkızılgen. Nätijesınde memleketke 4,5 milliard teŋge ziian kelgen. Sot sanksiiasymen kompaniianyŋ tehnikalyq direktory, būrynǧy basşysy jäne öndırıstık basqarma bastyǧy qamauǧa alynǧan.
Erkın Dlımbetov 2006–2022 jyldar aralyǧynda OrdaMed toptarynyŋ negızın qalauşy jäne direktorlar keŋesınıŋ töraǧasy, al 2022 jyldan berı AO OrdaMed-tıŋ basqarma töraǧasy bolyp keledı.
